Stóri plokkdagurinn á sunnudag

Stóri plokkdagurinn verður haldinn með pompi og prakt um allt land á sunnudag, þann 26. apríl. Þann dag eru íbúar hvattir til að sameinast um að plokka rusl úr umhverfi sínu, úr bæjarlandinu, Garðalundi og öðrum opnum svæðum. 

Akraneskaupstaður mun setja lokaða gáma á allar þrjár grenndarstöðvar bæjarins, þ.e. við Bíóhöll, aftan við Krónuna og við Byggðasafnið. Gámarnir verða á þeim stöðum í þrjá daga, frá föstudeginum 24. apríl og til mánudagsins 27. apríl.

Sem fyrr segir er um landsátak að ræða, en það er Rótarýhreyfingin á Íslandi sem skipuleggur daginn með aðstoð og atfylgi góðra bakhjarla. Markmið Rótarýhreyfingarinnar er að dagurinn sé ætlaður öllum sem vilja skipuleggja hreinsunarátak á þeim degi, eða eftir atvikum öðrum degi á svipuðum tíma. 

Stóri plokkdagurinn á Facebook