Stofn- og aðstöðustyrkur til dagforeldra

Bæjarráð hefur samþykkt tillögu skóla- og frístundaráðs um að veita starfandi dagforeldrum, ásamt þeim sem hyggjast hefja störf sem dagforeldrar, stofn- og aðstöðustyrk. Styrkurinn nemur 250.000 krónum og er ætlaður til kaupa á búnaði og aðföngum sem nýtast í starfi dagforeldra.

Markmiðið er bæði að styðja við nýja dagforeldra við upphaf starfs og að auðvelda starfandi dagforeldrum endurnýjun á tækjum og búnaði. Skilyrði styrkveitingar er að viðkomandi sinni starfi í a.m.k. eitt ár eftir að styrkurinn hefur verið samþykktur og greiddur út.