Góð heimsókn velferðar- og mannréttindasviðs til Akureyrar

Í vikunni heimsótti starfsfólk á velferðar- og mannréttindasviði Akraneskaupstaðar og fjármálastjóri sveitarfélagsins velferðarsvið Akureyrarbæjar til að kynnast betur nálgunum þeirra í þjónustu við fatlað fólk og læra af reynslu þeirra í þróun og rekstri þjónustunnar.

Starfsfólkið fékk jafnframt að skoða glæsilegan þjónustukjarna að Hafnarstræti 16, sem tekinn var í notkun fyrir um ári síðan, og sjá hvernig aðstaða, skipulag og fagleg nálgun styður við góða og manneskjulega þjónustu. Hlynur Már Erlingsson, forstöðumaður og Þórey, deildarstjóri tóku á móti hópnum og eru þeim færðar innilegar þakkir fyrir einstaklega hlýjar og vinveittar móttökur.

Sérstakar þakkir fá einnig Karólína Gunnarsdóttir sviðsstjóri, Kolbeinn Aðalsteinsson og Elva Björk Gylfadóttir forstöðumaður stoðþjónustu fyrir samtalið, innsýnina og góðar umræður.

Heimsóknir sem þessar eru dýrmætt veganesti í umbótastarf og þróun í þjónustu við fatlað fólk á Akranesi.