Fréttasafn

Badmintonfélag Akraness fagnaði í gær 50 ára afmæli sínu, en félagið var stofnað þann 11. nóvember árið 1976. Sturlaugur Haraldsson bæjarstjóri mætti á opið hús sem félagið hélt af því tilefni og færði formanni félagsins, Arnóri Tuma Finnssyni, blóm í tilefni dagsins. Fjölmargir litu við í íþróttahúsinu þar sem gestum gafst kostur á að grípa í spaða, rifja upp gamla takta og njóta samverunnar.

Uppselt hefur verið á allar þær tíu sýningar sem sýndar hafa verið af söngleiknum Frelsi í Grundaskóla. Það er 10. bekkur skólans sem stendur að baki sýningunni ásamt einvalaliði starfsmanna skólans, kennara og foreldra. Nú í morgun var tveimur sýningum bætt við, þann 18. og 19. nóvember sem verður lokasýning svo áhugasamir þurfa að hafa hraðar hendur að sjá þessa frábæru sýningu.

Nemendur í 2. bekk Brekkubæjarskóla mættu í heimsókn á bæjarskrifstofuna á dögunum til að heimsækja Sturlaug Haraldsson bæjarstjóra og spyrja hann spjörunum úr.

Föstudaginn 13. nóvember halda HMS og Tryggð byggð í samstarfi við SSV opinn fund um þróun og framtíðahorfur íbúðamarkaðar, bygginga og skipulagsmála á Vesturlandi. Fundurinn verður haldinn í Tónlistarskólanum, Dalbraut 1 á Akranesi, kl. 11:45 og er opinn öllum.

Fjárhagsáætlun Akraneskaupstaðar fyrir árið 2027 ásamt þriggja ára áætlun fyrir árin 2028–2030 var lögð fram til fyrri umræðu í bæjarstjórn í dag, þriðjudaginn 10. nóvember.

Akraneskaupstaður auglýsir eftir verslunar- og þjónustuaðilum í sveitarfélaginu sem hafa áhuga á að taka á móti gjafabréfum sem er jólagjöf kaupstaðarins til starfsfólks sveitarfélagsins í ár.

Akraneskaupstaður styður árlega við Björgunarfélag Akraness með kaupum á stórum Neyðarkalli og er þar með einn af mörgum stoltum bakhjörlum björgunarsveita á Íslandi. Á meðfylgjandi mynd má sjá Sturlaug Haraldsson veita kallinum viðtöku.

1443. fundur bæjarstjórnar Akraness verður haldinn í Miðjunni að Dalbraut 4, þriðjudaginn 10. nóvember kl. 16

Akraneskaupstaður óskar eftir að ráða öflugan og þjónustulundaðan launafulltrúa til starfa í mannauðs- og launadeild sveitarfélagsins. Um er að ræða 100% tímabundið starf til eins árs.

Hefð er fyrir því að félagsstarf Akraneskaupstaðar fari í ferðir á vorin og haustin. Á vorin eru önnur sveitarfélög heimsótt, en á haustin er hefð fyrir því að skoða hvað Vökudagar hafa upp á að bjóða.