Fréttasafn

Nú styttist í Vökudaga, hina árlegu menningarhátíð Akraness, sem vex og dafnar með hverju árinu. Hátíðin hefst næstkomandi fimmtudag, þann 22. október og stendur til 1. nóvember.

Á dögunum var sýningin Sjóslys við Ísland sett upp við Akranesvita. Um er að ræða útisýningu sem hefur staðið á Miðbakka Reykjavíkurhafnar frá því fyrr á þessu ári og vakið mikla athygli.

“Við skutum allt á Akranesi sem á að gerast á Akranesi. Það var svo mikil veisla, það var svo gaman og þið eruð svo gestrisin og gott fólk,” sagði Karen Björg Þorsteinsdóttir einn handritshöfunda þáttaraðarinnar Elma frammi fyrir fullum sal í Bíóhöllinni í gærkvöldi. Tilefnið var forsýning á fyrsta þætti af þáttaröðinni Elmu, sem verður frumsýnd í Sjónvarpi Símans í kvöld.

Góð mæting var á foreldrakvöld sem fram fór í Tónbergi í gær. Þar var fjallað um skjátíma, samfélagsmiðla og stafrænt umhverfi barna, auk þess sem margt mikilvægt kom fram um hlutverk foreldra og mikilvægi þess að setja skýr og heilbrigð mörk í uppeldi.

Við vekjum athygli á nýju hreyfinámskeiði fyrir fólk með fötlun, 18 ára og eldra. Á námskeiðinu er áhersla lögð á hreyfingu, góða leiðsögn og að kynnast undirstöðuatriðum líkamsræktar.

Akraneskaupstaður hlaut í dag viðurkenningu Jafnvægisvogarinnar 2026 fyrir að hafa náð markmiði um kynjajafnvægi í efsta stjórnendalagi.

1441. fundur bæjarstjórnar Akraness verður haldinn í Miðjunni að Dalbraut 4, þriðjudaginn 13. október kl. 16. Hér að neðan má sjá dagskrá fundarins ásamt hlekk á streymi.

Tónlistarskólinn á Akranesi fékk nýverið veglegan styrk til hljóðfærakaupa úr Minningarsjóði Geirlaugs K. Árnasonar, en Geirlaugur var einn helsti hvatamaðurinn að stofnun skólans fyrir rúmum 70 árum.

SSV býður til opins kynningarfundar um Uppbyggingarsjóð Vesturlands föstudaginn 16. október kl. 12:00–13:00.

Samkvæmt 15. kafla reglugerðar um hollustuhætti nr. 941/202 er hunda- og kattaeigendum skylt að láta ormahreinsa dýr sín árlega.