Vinna í Hvalfjarðargöngum mánudag til miðvikudags

Vegagerðin er að vinna við þrif og viðhald í Hvalfjarðargöngum mánudaginn 7. september til miðvikudagsins 9. n.k. Vinnan hefst klukkan 23:00 og lýkur klukkan 06:30.

Göngin verða lokuð á þessu tímabili, en fylgdarakstur verður gegnum göngin á meðan á vinnunni stendur.

Götusópar, vatnsbílar og körfubílar verða við vinnu í göngunum, þannig að vegfarendur þurfa að sýna aðgát.

Mikil hálka getur myndast þegar unnið er við þrif í göngunum og því hvetjum við vegfarendur að aka með gát og fara eftir leiðbeiningum og alls ekki að taka fram úr bifreiðum sem að stýra fylgdarakstri.