Til hamingju ÍA
11.09.2015
ÍA fánanum flaggað fyrir utan bæjarskrifstofu Akraneskaupstaðar.
Lið ÍA tryggði sér sæti í úrvalsdeild kvenna næsta sumar. Stelpurnar kepptu á móti Grindavík þann 9. september síðastliðinn og þrátt fyrir tap gegn fyrrgreindu liði, 2-1 þá dugði sigur í fyrri leiknum en þær sigruðu Grindavík á Akranesvelli með þremur mörkum.
Akraneskaupstaður óskar ÍA og knattspyrnufélaginu til hamingju með árangurinn og af þessu tilefni er ÍA fánunum flaggað fyrir utan bæjarskrifstofuna og á Akratorgi fram yfir helgi.
