Sumarið er á næsta leiti
29.04.2016
Sturturnar á Langasandi.
Það eru merki um það að sumarið sé handan við hornið þegar gosbrunnurinn á Akratorgi er settur af stað og sturturnar á Langasandi. Tímasetningin er miðuð við að hætta á frosti sé liðin hjá en mannvirkin geta skemmst ef frost er í veðri. Við minnum íbúa einnig á að vorhreinsun er í gangi á Akranesi og biðjum ykkur um að taka virkan þátt í að gera bæinn okkar fallegri með góðri umgengni og einnig að hafa samband í gegnum netfangið akranes@akranes.is ef þið verðið vör við óvenju slæma umgengni. Endilega kynnið ykkur vorhreinsunina nánar hér.
