Krúttlegasta ísbúð landsins

Ásdís Hekla, Stefanía Líf og Sævar Freyr.

Vinkonurnar Stefanía Líf og Ásdís Hekla opnuðu föstudaginn 6. júlí síðastliðinn krúttlegustu ísbúð landsins á Víðigrund. Sævar Freyr Þráinsson bæjarstjóri fékk þann heiður að opna ísbúðina og vera fyrsti viðskiptavinurinn. „Sem bæjarstjóri á Akranesi hef ég sett það í forgang að stuðla að atvinnuuppbyggingu á Akranesi og fjölga atvinnutækifærum, það er því frábært að fá að taka þátt í opnun á krúttlegustu ísbúð landsins." er haft eftir Sævari Frey. 

Margt var um manninn á svæðinu og höfðu vinkonurnar í nógu að snúast við að afgreiða ís. Í boði var ekta ítalskur kúluís með jarðaberja- og súkkulaðibragði. Ísbúðin var opin á föstudeginum til kl. 18:00 af tilefni þess að bæjarhátíðin Írskir dagar voru að renna í gang.