Fara í efni  

Endurnýjun slitlags, gangstétta og lagna á Vesturgötu

Á fundi bæjarráðs 1. september síðastliðinn var samþykktur hönnunarsamningur við Eflu um endurnýjun slitlags, hluta gangstétta og endurnýjun lagna á Vesturgötu milli Stillholts og Merkigerðis. Hönnunarvinna á verkinu mun fara af stað um miðjan septembermánuð. Reiknað er með að tilboð í verkið liggi fyrir um miðjan nóvember. Eins og fram kom í frétt á vef Akraneskaupstaðar í sumar þurfti að fara í rannsóknavinnu varðandi ástand götunnar áður en endanleg ákvörðun var tekin um aðferð við framkvæmdina.

Sú leið hefur verið valin í samráði við Eflu að grafa niður á burðarhæfan botn í stað þess að vera með fljótandi fyllingu. Veitur ohf (OR) eru aðili að þessum samningi en í skoðun er að endurnýja lagnir á þessum kafla. Reiknað er með að þrískipta verkinu til að lágmarka óþægindi við starfsemi Brekkubæjarskóla og Íþróttahússins við Vesturgötu. Áætluð verklok eru á fyrri hluta ársins 2017. 


   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00