Fréttasafn

Akraneskaupstaður, Landbúnaðarháskóli Íslands og Samtök sveitarfélaga á Vesturlandi stóðu fyrir glæsilegri ráðstefnu laugardaginn 23. mars síðastliðinn. Ráðstefnan var með yfirskriftina nýsköpun, öflugt atvinnulíf og lifandi samfélag. Á henni voru mörg fræðandi örerindi frá öflugum aðilum sem hafa allir mismunandi bakgrunn og sýn á þessa þætti.

Hefðbundin akstursleið Akranesstrætó tók gildi á ný í þessari viku og er ný tímatafla og yfirlitskort aðgengilegt hér. Tímabundnar breytingar voru gerðar í desember síðastliðnum vegna byggingar fimleikahúss við Háholt/Vesturgötu.

Bæjarstjórn Akraness samþykkti á fundi 12. febrúar 2019 tillögu að breytingu á deiliskipulagi Stofnanareits skv. 43. gr. skipulagslaga nr. 123/2010. Breytingin tekur til lóðarinnar nr. 39 við Kirkjubraut og felst í að byggja upp verslun / hótel á lóðinni. Nýtingarhlutfall er aukið úr 0,4-0,6 í 1,56 og byggt ...

Ferðamála-, iðnaðar- og nýsköpunarráðherra hefur staðfest tillögu stjórnar Framkvæmdasjóðs ferðamannastaða um styrkveitingar úr sjóðnum vorið 2019 og úthlutað samtals 35 m.kr. til Breiðarinnar á Akranesi. Styrkurinn er veittur til að leggja nýtt yfirboðsefni á svæðinu, sbr. grafstein, steinalögn, stakkstæði og torf.

Bæjarstjórn Akraness samþykkti á fundi 11. desember 2018, tillögu að breytingu á Aðalskipulagi Akraness 2005-2017, skv. 31. gr. skipulagslaga nr. 123/2010. Fyrirhuguð breyting nær til M2 Akratorg, Kirkjubraut, Stillholt, 7,9 ha að flatarmáli. Breytingin felst í að með auknu byggingarmagni skal auka við bílastæði í ...

Krakkarnir í frístund Þorpsins fóru í heimsókn á Bæjarskrifstofuna þar sem þau hittu bæjarstjórann Sævar Frey Þráinsson. í kjölfarið var farið af stað vinna við að finna nýtt nafn á frístundina. Eftir hugmyndasamkeppni varð frístundaheimilið Krakkadalur fyrir valinu og mætti síðan Sævar Freyr í heimsókn og tilkynnti niðurstöðurnar.

Strompur Sementsverksmiðjunnar á Akranesi var felldur í dag þann 22. mars 2019. Aðgerðin tókst með öllu mjög vel og var strompurinn sprengdur í tveimur hlutum. Fyrri sprengingin átti sér stað kl. 14:00 og sú seinni var kl. 15:00.

Fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 26. mars kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á fundinn á FM 95,0 og horfa á beina útsendingu á facebooksíðu Akraneskaupstaðar.

Sementsstrompurinn verður felldur kl. 14:00 í dag þann 22. mars 2019. Hægt er að fylgjast með beinni útsendingu hér á ÍATV.

Vikuna 5.-7. mars voru þemadagar í Tónlistarskóla Akraness og sóttu alls 150 börn spuna-, sköpunar- og framkomunámskeið þessa daga. Námskeiðinu lauk svo með tónleikum þar sem allir hóparnir fluttu frumsamda tónsmíði.