Um 140 leikskólabörn mættu á fótboltaæfingu
19.09.2025
Knattspyrnumenn og -konur framtíðarinnar. Mynd: KFÍA.
Fyrsta æfingin í tilraunaverkefni ÍA og leikskólanna á Akranesi fór fram í dag. Um 140 börn frá öllum leikskólum á Akranesi tóku þátt í æfingu þar sem gleði og hreyfing réði ríkjum.
Verkefnið nær frá 19. september til 12. desember og stendur öllum börnum fæddum 2020–2021 til boða. Æfingarnar fara fram á föstudögum kl. 10:30–11:15 og eru skipulagðar af Knattspyrnufélagi ÍA í góðu samstarfi við leikskólana. Skráning og greiðsla æfingagjalda fer fram í gegnum Abler.
