Skóla- og frístundaráð

Miðstöð menntunar og skólaþjónustu vinnur að innleiðingu á nýjum Nemendagrunni, miðlægum gagnagrunni sem heldur utan um samræmda skráningu barna á skólaskyldualdri í grunnskóla fyrir landið allt. Markmiðið er að tryggja réttar upplýsingar fylgi hverju barni í gegnum alla skólagöngu þess frá leikskóla til framhaldsskóla og áfram í námi og þjálfun.



Til að tryggja árangursríka innleiðingu öllum til heilla er óskað eftir því að sveitarfélögin samþykki öll sem eitt sameiginlegt tímabil fyrir innritun og umsóknir í grunnskóla sem hér segir:



Innritun í 1. bekk grunnskóla: 1. febrúar - 31 mars

Umsókn um skólaskipti innan/milli sveitarfélaga: 1. febrúar - 30. apríl

Umsókn um sjálfstætt starfandi skóla: 1. febrúar - 30. apríl

Umsókn um sérdeild og umsókn um sérskóla: 1. febrúar - 31. mars

Umsókn um áframhaldandi skólavist: 1. febrúar - 31. mars

Lagt er til að bæjarstjórnarfundur unga fólksins fari fram þriðjudaginn 17. febrúar 2026.

Sviðsstjóri leggur fram tillögu um að fulltrúar af skóla- og frístundasviði og skipulags- og umhverfissviði vinni áætlun um framtíðarskipulag leikskólahúsnæðis í samvinnu við skóla- og frístundaráð og leikskólastjóra.