Skóla- og frístundaráð
Dagskrá
1.Kynning á starfsemi Þorpsins apríl 2023
2304001
Ívar Orri Kristjánsson og Ársæll Rafn Erlingsson kynna starfsemi Þorpsins. Heiðrún Janusardóttir verkefnastjóri situr fundinn undir þessum lið.
Skóla- og frístundaráð þakkar Ívari og Ársæli fyrir greinargóða kynningu á starfsemi Þorpsins.
Ívar Orri, Ársæll Rafn og Heiðrún víkja af fundi.
2.Landsmót Æskulýðssambands Þjóðkirkjunnar - umsókn um styrk í formi húsnæðisnotkunar
2303210
Erindi frá Æskulýðssambandi Þjóðkirkjunnar (ÆSKÞ) vegna fyrirhugaðs landsmóts á Akranesi um miðjan október 2023.
Skóla- og frístundaráð samþykkir að fela sviðsstjóra að skoða með fulltrúum ÆSKÞ í samráði við skólastjórnendur hvort og hvernig er hægt að verða við erindinu. Ef af mótinu verður samþykkir ráðið að verða við beiðni ÆSKÞ varðandi frían aðgang að sundlauginni á Jaðarsbökkum.
3.Málefni barna - niðurgreiðslur o.fl. vegna vistunar barna í daggæslu
2303214
Aðsent erindi.
Skóla- og frístundaráð þakkar fyrir erindið og felur sviðsstjóra að svara því í samræmi við umræðu fundarins. Ráðið felur sviðsstjóra jafnframt að gera tillögur að breytingum á reglum um niðurgreiðslu vegna dvalar barna hjá dagforeldrum er varða systkinaafslátt.
4.Námsstyrkir Akraneskaupstaðar 2022-2023
2205139
Skóla- og frístundaráð samþykkir tillögu að greiðslum til leikskólanna vegna náms leikskólastarfsmanna sem stunda nám í leikskólafræðum samhliða vinnu og fá að sækja tíma á launum. Ekki er gert ráð fyrir viðauka vegna þessa kostnaðar þar sem fjármagn er til í fjárhagsáætlun sviðsins.
Fundi slitið - kl. 10:00.
