Öldungaráð

Laufey Jónsdóttir tengiráðgjafi Gott að eldast kynnti niðurstöður könnunar sem framkvæmd var fyrr á þessu ári. Könnunin náði til íbúa Akraness, 80 ára og eldri sem búa einir. Áhersla var lögð á að kanna líðan fólks og hvort það upplifi sig einmanna og búi við félagslega einangrun. VIðtölin voru tein með símtölum, í félagsstarfi og með heimsóknum. Lagt fram til kynningar.

Öldungaráð leggur áherslu á að við gerð fjárhagsáætlunar 2026 verði gjaldskrá stuðningsþjónustu ekki hækkuð. Gjaldskrá var endurskoðuð fyrr á árinu sem hafði í för með sér umtalsverða hækkun og telur ráðið að ekki sé hægt að fara í frekari gjaldskrárhækkanir að svo stöddu.

Öldungaráð telur mikilvægt að halda áfram með verkefnið Sprækir skagamenn og að það fái fastan sess í fjárhagsáætlun sveitafélagsins. Ljóst sé að þátttaka sé meiri en gert var ráð fyrir og fullt tilefni sé til að styrkja það enn frekar.