Menningarmálanefnd (2013-2014)

Formaður leggur til að Helga Kristín Björgólfsdóttir verði kosin varaformaður. Samþykkt samhjóða.

Dagskrá 17. júní fór vel fram í alla staði. Nefndin lýsir ánægju sinni með það hve vel tókst til að setja saman góða dagskrá með heimafólki, sérstaklega þátttöku unglinga bæjarins.

Lagt fram. ÞJ harmar að ekki sé unnt að halda dagskrána á föstudagskvöldið á Akratorgi vegna fjárhagslegra ástæðna.

Lagðar fram reglur um stöðugjald söluvagna. Samþykkt að vísa reglunum til bæjarráðs til samþykktar.

Bréf bæjarstjóra dagsett 12. júní 2013 lagt fram.

Erindi Menningarmálanefndar sem lagt var fram á fundi bæjarráðs þann 14. júní 2013 virðist hafa verið misskilið og er misritað í fundargerð bæjarráðs. Bókun menningarmálanefndar frá fundi þann 4. júní 2013 var svohljóðandi: "Nefndin leggur til við bæjarráð að ráðinn verði inn starfsmaður í stað forstöðumanns Kirkjuhvols, sem sagt hefur upp störfum. Hlutverk hans verði að halda utan um listaverkasafn, ásamt verkefnum fyrir Ljósmyndasafn Akraness og Héraðskjalasafn Akraness. Starfsmaðurinn verði staðsettur á bókasafninu".
Nefndin lýsir furðu sinni yfir bókun bæjarráðs þar sem hugmynd nefndarinnar var ekki að ráða nýjan starfsmann til Kirkjuhvols heldur að ráðstafa stöðugildinu til að annast listaverkasafn Akraneskaupstaðar, auk verkefna á Héraðsskjalasafni Akraness og Ljósmyndasafni Akraness.