Framkvæmdaráð (2009-2014)

Framkvæmdastofu falið að koma með tillögur að nýju svæði fyrir hjólarampana.

Framkvæmdaráð óskar eftir að fá forstöðumann Þorpsins og skólastjóra Tónlistarskólans á næsta fund.

Í ljósi þess að engar umsóknir bárust um starf dýraeftirlitsmanns þegar það var auglýst, leggur framkvæmdaráð til við bæjarráð að það heimili ráðningu starfsmanns í 100% starf í þjónustumiðstöð sem sinni dýraeftirliti í a.m.k hálfu starfi.

Karen bókar: Tel að ráðning starfsmanns aukalega í hálft starf sé ekki forgangsatriði, tel að peningunum sé betur varið annars staðar.

Framkvæmdaráð samþykkir tillögu framkvæmdastjóra um fjölgun sorptíláta við götur bæjarins og gönguleiðum. Framkvæmdaráð samþykkir kynningaráætlun framkvæmdastjóra til að stuðla að bættri umgengni hundaeigenda.

Farið var yfir fyrirliggjandi áætlun frá umboðsaðila Zehnder á Íslandi. Framkvæmdastofu falið að skoða þessa lausn ásamt öðrum. Tillögur skulu liggja fyrir tímanlega fyrir gerð fjárhagsáætlunar 2012.

Framkvæmdastjóra falið að ræða við formann FIMA og afla nánari uppl. um forgangsröðun, kostnað ofl.

Framkvæmdaráð fór yfir drög að samningi. Samningur tekinn fyrir á næsta fundi til endanlegrar afgreiðslu.

Framkvæmdaráð leggur til við bæjarstjórn að eignarhluti Akraneskaupstaðar í Faxabraut 3 verði auglýstur til sölu.