Fjölskylduráð (2009-2014)

Sólveig Sigurðardóttir félagsráðgjafi og Sveinborg L. Kristjánsdóttir félagsmálastjóri kynntu ýmsar upplýsingar og nánari greiningu á fjárhagsaðstoð fyrstu þrjá mánuði ársins 2011.

Á grundvelli þess minnisblaðs sem fylgdi með fundarboði, sem fjallar um aukningu á fjárhagsaðstoð og annarra liða undir félagsþjónustunni, felur Fjölskylduráð framkvæmdastjóra Fjölskyldustofu að gera tillögu til bæjarráðs um viðbótarfjárveitingu vegna þessa.

Sólveig og Sveinborg viku af fundi 16:45.

Lagt fram.

Lagt fram.

Fjölskylduráð staðfestir þátttöku Akraneskaupstaðar í verkefninu.

Áheyrnafulltrúar leikskóla mættu á fundinn kl. 17:00, Ingunn Ríkharðsdóttir og Árný Örnólfsdóttir. Alda Róbertsdóttir mætti á fundinn kl. 17:00. Rætt um verklagsreglur leikskóla og fyrirkomulag innritunar. Einnig rætt um þjónustu dagforeldra.

Alda vék af fundi 17:40.

Samkvæmt lögum um menntun og ráðningu kennara og skólastjórnenda við leikskóla, grunnskóla og framhaldsskóla nr. 87/2008 skal hlutfall leikskólakennara vera að lágmarki ²/₃ hlutar stöðugilda við kennslu, umönnun og uppeldi barna í hverjum leikskóla. Helga Gunnarsdóttir framkvæmdastjóri lagði fram útreikninga á slíku hlutfalli í hverjum leikskóla á Akranesi.

Árný lagði fram bréf frá leikskólakennurum á Akranesi þar sem fram kom ósk þeirra um aðkomu að ákvörðun Akraneskaupstaðar í samræmi við 9. gr. laga um menntun og ráðningu kennara og skólastjórnenda við leikskóla, grunnskóla og framhaldsskóla nr. 87/2008. Fjölskylduráð mun boða trúnaðarmenn leikskólakennara á næsta fund ráðsins til viðræðna um málið.