Bæjarstjórn

Fundargerð bæjarráðs dags. 26. maí 2011.

Til máls tók Gunnar Sigurðsson og lagði hann fram eftirfarandi bókun:

,,Bókun á bæjarstjórnarfundi 31. maí 2011 vegna fundargerðar bæjarráðs nr. 3118 frá 26. maí 2011:

Ég undirritaður, bæjarfulltrúi í bæjarstjórn Akraness, fagna þeim tillögum sem bæjarráð samþykkti um útboð á ýmissri þjónustu sem Akraneskaupstaður kaupir t.d. tryggingar, símaþjónustu, hýsingu og rekstrarþjónustu og bankaþjónustu samanber liði nr. 15 til og með 19 í fundargerðinni.

Sérstaklega er ánægjulegt að núverandi forseti bæjarstjórnar Akraness og núverandi formaður bæjarráðs Akraness hafi áttað sig á því að það er hárrétt að bjóða þessa þjónustu út á réttu augnabliki þegar Akraneskaupstaður er með þessi mál klár til útboðs.

Þegar Akraneskaupstaður bauð bankaþjónustuna út á sínum tíma greiddu þeir atkvæði á móti þeirri tillögu og töldu útboðið fáránlega aðgerð. Reynslan hefur hins vegar sýnt að Akraneskaupstaður hefur sparað margar milljónir með því útboði."

Akranesi, 31. maí 2011.

Gunnar Sigurðsson (sign)

Til máls tóku: HR, GPJ, HR, EBr.

Fundargerðin lögð fram.

Fundargerð skipulags- og umhverfisnefndar, dags. 16. maí 2011.

Til máls tók Gunnar Sigurðsson og lagði hann fram eftirfarandi tillögu:

,,Bæjarstjórn Akraness samþykkir að fela framkvæmdastjóra Framkvæmdastofu að láta fjarlægja þau mannvirki sem fjarlægja má á Sólmundarhöfða. Ef ekki má fjarlægja einhver mannvirki þar, þá láta mála þau eða snyrta svo sómi sé af. Einnig að lóð sé slegin og rökuð og henni haldið þannig við sem snyrtilegastri.

Einnig verði framkvæmdastjóra falið í samvinnu við skipulags- og umhverfisnefnd að koma með tillögu og kostnaðaráætlun um hvernig sé best að leggja göngu- og hjólreiðastíg um Sólmundarhöfða sem tengir saman stíga frá Leynisbraut að Langasandi. Verkið verði unnið eins fljótt og unnt er og tillögur og kostnaðaráætlun lögð fyrir bæjarráð og bæjarstjórn."

Akranesi, 31. maí 2011.

Gunnar Sigurðsson (sign)

Forseti lagði til að tillögunni verði vísað til frekari skoðunar í bæjarráði. Samþykkt 9:0.

Fundargerðin lögð fram.

Bæjarstjórn samþykkir tillöguna 9:0.

Samþykkt 9:0 að vísa tillögunni til síðari umfjöllunar í bæjarstjórn.

Bæjarstjórn samþykkir samninginn 9:0.

Bæjarstjórn samþykkir tillöguna 9:0.

Bæjarstjórn samþykkir tillöguna 9:0.

Bæjarstjórn samþykkir tillöguna 9:0.

Bæjarstjórn samþykkir tillöguna 9:0.

Til máls tóku: Bæjarstjóri, GS, GPJ, bæjarstjóri, EBr, IV, bæjarstjóri, GPJ.

Ársreikningurinn samþykktur 9:0 og staðfestu bæjarfulltrúar hann með undirritun sinni.

Ársreikningurinn samþykktur 9:0 og staðfestu bæjarfulltrúar hann með undirritun sinni.

Ársreikningurinn samþykktur 9:0 og staðfestu bæjarfulltrúar hann með undirritun sinni.

Ársreikningurinn samþykktur 9:0.

Fundargerðin staðfest.

Fundargerð bæjarráðs dags. 12. maí 2011.

Til máls tók Gunnar Sigurðsson og lagði hann fram eftirfarandi bókun:

,,Bókun á bæjarstjórnarfundi 31. maí 2011 vegna fundargerðar bæjarráðs nr. 3117 frá 12. maí 2011:

Við undirritaðir, bæjarfulltrúar í bæjarstjórn Akraness, getum ekki staðið að því að samþykkja að bæjarfulltrúar á Akranesi hafi möguleika á styrk frá Akraneskaupstað, allt að krónur 140.000.- á kjörtímabilinu til að fara í kynnisferðir, samanber lið nr. 4. Ekki heldur getum við staðið að því að Akranesbær greiði fé til vinabæjarsamstarfs við hin Norðurlöndin eins og gert er ráð fyrir í þessari sömu fundargerð, samanber lið nr. 13 og því að á síðasta bæjarstjórnarfundi var samþykkt að senda fulltrúa á vinabæjarmót í Bamble í Þelamörk dagana 16.-19. júní.

Greinargerð:

Árið 2009 var gripið til all-mikilla aðhaldsaðgerða í rekstri Akraneskaupstaðar sem reynst hafa afar vel. Í þessum aðhaldsaðgerðum voru m.a. laun margra bæjarstarfsmanna lækkuð svo og laun bæjarfulltrúa, bílastyrkir lagðir af, vinabæjarsamstarf lagt af, réttur bæjarfulltrúa til að sækja kynnisferðir lagður af ásamt ýmsum öðrum aðgerðum. T.d. var minnkuð þjónusta í íþróttamannvirkjum og leikskólum svo eitthvað sé til tekið. Allar þessar aðgerðir voru tímabundnar en ein af fyrstu aðgerðum nýs meirihluta var að draga til baka hluta af launaskerðingu bæjarstarfsmanna.

Ársreikningur Akraneskaupstaðar vegna ársins 2010 kemur ágætlega út, m.a. vegna áðurnefndra aðhaldsaðgerða og hagstæðrar þróunar gengismála.

Það er ýmislegt sem bendir til þess að árið 2011 verði Akranesbæ ekki eins hagsælt og undanfarin tvö ár. Má t.d. benda á beiðni um 38,2 mkr. aukaframlags til framfærslu og þjónustu frá Fjölskyldustofu í sömu fundargerð, samanber lið nr. 11, en þar er sótt um hækkun vegna ársins 2011 þar sem vísbendingar fyrstu þrjá mánuði ársins sýna verulega aukningu.

Allt þetta og fleira segir okkur það að það sé ekki rétt af bæjarstjórn að samþykkja ívilnanir til bæjarfulltrúa og dekurverkefni eins og vinabæjarsamstarf áður en launaskerðingar bæjarstarfsmanna hafa að fullu verið dregnar til baka. Uns betur árar í íslensku samfélagi þá teljum við að önnur verkefni séu brýnni en kynnisferðir fyrir bæjarfulltrúa og vinabæjarsamstarf."

Akranesi, 31. maí 2011.

Gunnar Sigurðsson (sign)

Einar Brandsson (sign)

Til máls tóku: HR, EBr, HR, bæjarstjóri, GPJ.

Fundargerðin lögð fram.