Fréttir

Heilsuefling - stólaleikfimi hófst miðvikudaginn 5. febrúar sl. að Kirkjubraut 40. Tímarnir eru alla miðvikudaga frá kl.12:15 til 12:45 og eru ætlaðir þeim sem EKKI hafa tök á að fara í heilsueflinguna að Jaðarsbökkum. Að meðaltali eru um 20 manns að mæta og hægt er að bæta við fleiri áhugasömum.

1308. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 25. febrúar kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á fundinn á FM 95,0 og horfa á beina útsendingu á facebooksíðu Akraneskaupstaðar.

Vegna framkvæmda við byggingu íbúða við Vesturgötu 49 og 51 verður tímabundið lokað fyrir umferð eins og meðfylgjandi mynd lýsir. Lokanir vara um einn til tvo daga í senn eða á meðan verið er að tæma gáma en stefnt er að verkinu ljúki á næstu sjö eða átta vikum.

Stofnfundur nýrra foreldrasamtaka, AK-HVA, fyrir grunnskólanna á Akranesi og í Hvalfjarðarsveit verður 25. febrúar nk. í sal Brekkubæjarskóla kl. 19:30.

Uppfært 16. febrúar kl. 10:00: Jaðarsbakkalaug og Guðlaug opna kl. 10 í dag. Uppfært 15. febrúar kl. 14:00: Stefnt er að opnun Jaðarsbakkalaugar og Guðlaugar á morgun 16. febrúar, ef hitastig næst í lag en það er vindkæling sem hefur þarna áhrif svo að mögulega næst ekki að opna á hefðbundnum tíma. Fréttin verður uppfærð. Sundlaugar á Akranesi, Jaðarsbakkalaug, Bjarnalaug og Guðlaug, verða lokaðar fram á mánudag. Er það vegna rafmagnstruflanir sem hafa verið á Vesturlandi undanfarið. Þær valda því að dælur veitukerfanna slá sífellt út og þar handvirkt að slá þeim inn aftur.

Eftirfarandi stofnanir hafa opnað á ný eftir veðurofsa sem gekk yfir suðvesturhornið:

Rauð viðvörun hefur verið gefin út fyrir Faxaflóa og fleiri svæði á suðvesturhorni frá kl. 7 í fyrramálið 14. febrúar. Fólk er beðið að vera ekki á ferðinni nema brýna nauðsyn beri til.

Seinni áfangi gatnaframkvæmda við Esjubraut frá gatnamótum Smiðjuvalla og Dalbraut að hringtorgi við Þjóðbraut átti að ljúka 1. desember síðastliðinn. Ástæður tafanna eru margþættar m.a. vegna viðbóta í greftri, fyllingu og lagnavinnu, ásamt viðbótarverka í hitaveitu og yfirborðsfrágangi, auk þess sem tíð í desember var verkinu ekki hagstæð.

Britta Junge danskur farkennari kom til starfa í Brekkubæjarskóla og Grundaskóla í byrjun árs og mun hún starfa í skólunum til loka maí.

Á Vesturlandi hafa starfsmenn Heilbrigðisstofnunarinnar HVE fengið fræðslu um kórónaveiruna og hafa leiðbeiningar verið settar upp fyrir almenning innan stofnanna. Sjúkrahúsið á Akranesi og heilsugæslustöðvar á Vesturlandi hafa fundið úrræði varðandi skoðunaraðstöðu og fyrir einangrun ef svo bæri að.