Þrettándagleði fór vel fram
10.01.2023
Ljósmynd: Tomasz Wisla
Þrettándagleðin fór fram föstudaginn 6. janúar á þyrlupallinum í ágætu veðri með þrettándabrennu, álfadansi og flugeldasýningu. Jólasveinar og aðrar verur með Leppalúða og Grýlu í broddi fylkingar gengu með logandi kyndla frá félagsmiðstöðinni Þorpinu niður á þyrlupall þar sem Jónína Björg Magnúsdóttir og Linda Guðmundsdóttir sáu um að leiða sönginn. Skemmtunin fór vel fram og lauk henni með magnaðri flugeldasýningu Björgunarfélagsins.
