Samið við Þrótt ehf. um gangstéttagerð í Skógarhverfi I og II og gatnagerð við Ketilsflöt

Sævar Freyr Þráinsson bæjarstjóri og Helgi Þorsteinsson framkvæmdastjóri Þróttar ehf.

Nýlega var gengið til samninga við Þrótt ehf. um gangstéttagerð í Skógarhverfi I og II. Framkvæmdin felst í að vélsteypa kantstein, steypa gangstéttir og malbika hjólastíg við Asparskóga, Akralund og Blómalund. Reiknað er með að verki verði lokið í ágúst 2018. 

Einnig var samið við Þrótt ehf. í maí síðastliðinn um gatnagerð við Ketilsflöt frá gatnamótum upp að Garðalundi. Verkið innifelur líka fjórar gönguþveranir, þ.e. tvær við Ketilsflöt og tvær við Kalmansbraut sem er í takt við þau markmið sem sett voru í umferðaröryggisskýrslu Akraneskaupstaðar.