Velferðar- og mannréttindaráð

Laufey Jónsdóttir verkefnisstjóri mætti á fundinn kl. 16:00 og fór yfir hugmynd að breytingum á gjaldskrá vegna félagslegrar heimþjónustu. Velferðar- og mannréttindaráð telur að rétt sé að einfalda gjaldskrá vegna félagslegrar heimaþjónustu. Tillaga er um að flokkum verði fækkað um einn á árinu 2016 og annan á árinu 2017. Alltaf verði hópur sem ekki greiðir gjald vegna þjónustunnar.
Laufey vék af fundi kl. 16:35.

Farið yfir tillögu að hækkun á greiðslum til stuðningsfjölskyldna í samræmi við tillögu frá Þjónusturáði Vesturlands. Velferðar- og mannréttindaráð samþykkir fyrir sitt leyti tillögu Þjónusturáðs Vesturlands.

Sveinborg Kristjánsdóttir mætti á fundinn kl. 16:45. Arnheiður kynnti nýja þjónustubeiðni.

Arnheiður kynnti þjónustu við fatlaða einstaklinga. Hún fór einnig yfir ný verkefni sem framundan eru.

Sveinborg kynnti námskeið fyrir fulltrúa í félagsþjónustunefndum sem haldið verður í Borgarbyggð 13. mars kl. 10:00 - 16:00. Fulltrúar í ráðinu lýsa yfir áhuga á að mæta. Félagsmálastjóri mun sjá um að kynna námskeiðið fyrir varamönnum í ráðinu.