Fara í efni  

Skólanefnd (2000-2008)

51. fundur 12. október 2005 kl. 17:15 - 18:30

51. fundur skólanefndar Akraness haldinn í bæjarþingsal á Akranesi, miðvikudaginn 12. október  2005 kl. 17:15.


 

Mætt á fundi:              Jóhanna Hallsdóttir, formaður

                                 Jónas H. Ottósson, varaformaður

                                 Sigrún Ríkharðsdóttir

                                 Eydís Aðalbjörnsdóttir

Áheyrnarfulltrúar:       Lárus Sighvatsson, skólastjóri

                                Bryndís Bragadóttir, fulltrúi kennara Tónlistarskólans

                                Ragna Kristmundsdóttir, fulltrúi hreppanna sunnan Skarðsheiðar.

                                   

Einnig sat Helga Gunnarsdóttir, sviðsstjóri fræðslu-, tómstunda- og íþróttasviðs, fundinn og ritaði fundargerð.


 

Fyrir tekið:

 

1.  Málefni Tónlistarskólans á Akranesi.

Formaður bauð starfsfólk Tónlistarskólans á Akranesi velkomna á fund skólanefndar. Lárus skólastjóri fór yfir helstu upplýsingar um skólastarfið.

 

Í blokkflautunámi og forskóla eru 15 nemendur. Í hljóðfæradeild eru 263 og 24 nemendur eru í söngdeild. Biðlisti er eftir námi í gítarleik, flautu og fiðlu og slagverki. Nemendafjöldi er 315. Grunnskólanemendur í tónlistarnámi eru 214 og skiptast þannig:   Brekkubæjarskóli: 79, Grundaskóli:122 og í Heiðarskóla eru 13 nemendur. Stúlkur á grunnskólaaldri eru 132 og strákar 82. 

 

Skólagjöld eru þannig: Almennt nám: 43.200, hálft nám: 26.000, forskóli: 24.000, söngur: 55.000 og skólahljómsveit 24.000.

 

Stöðugildi við skólann eru 16.

Umræða var um ýmsa þætti í starfi skólans s.s. skólagjöld, aldur í söngnámi, barnakór, hópkennslu og einstaklingskennslu, tónmenntakennslu í grunnskólum og fleira.

 

Margt er á döfinni á skólaárinu. Skólahljómsveitarmót var haldið á Akranesi og voru ríflega 800 nemendur sem tóku þátt auk kennara og fylgdarmanna.

Tónlistarskólinn heldur upp á 50 ára afmæli á yfirstandandi skólaári og verður afmælisins minnst á ýmsan hátt. Samvinna er við menningarmála- og safnanefnd um Vökudaga 3. ? 11. nóvember í tengslum við afmælið.

Í hverjum mánuði verður útnefnt hljóðfæri mánaðarins og unnið með það.

  

2.  Önnur mál.

Ekkert lá fyrir undir liðnum önnur mál.

 

Fundi slitið kl.18:30.

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00