Fjölskylduráð (2009-2014)

Fyrir fundinum lá tillaga að skóladagatali vegna skóladagatals 2010 - 2011. Skólastjórar fóru yfir dagatalið skólasetning verður 24. ágúst 2010 og skólaslit 3. júní 2011. Vetrarfrí verður 21., 22. og 25. október. Fjallað hefur verið um skóladagatalið í skólaráðum og kennarafundum og samráð hefur verið haft við FVA. Fjölskylduráð staðfestir skóladagatalið fyrir sitt leyti.

Fjallað um áherslur í endurmenntun grunnskólanna næstu annir. Áhersla er á lestur, bæði byrjendalæsi og orð af orði á miðstigi. Einnig verður unnið áfram með innleiðingu á ritunarferlinu.

Rætt um nemendaferðir sem farnar eru á vegum grunnskólanna. Skólastjórar fóru yfir þær ferðir sem eru lengri og kostnaðarsamar. Annars vegar er ferð í Reykjaskóla en þá eru nemendur í 5 daga. Foreldrar greiða kostnað vegna uppihalds og ferða en skólarnir greiða laun kennara. Hins vegar er lokaferð 10. bekkjar en nemendur afla peninga í gegnum brauðsölu og annarrar fjáröflunar en skólarnir greiða launakostnað.

Rætt um fræðsluna "Tölum saman um kynlíf" en foreldrafélögin hafa áhuga á að þessi fræðsla eigi sér stað á þessari önn. Skólastjórar taka undir orð foreldra og lýsa yfir vilja til þess að fræðslan eigi sér stað fyrir skólalok.