Vinnutími unglinga sumarið 2017

Allir unglingar fæddir árin 2001-2003 með lögheimili á Akranesi hafa rétt til þátttöku í Vinnuskólanum. Starfstími Vinnuskólans fyrir 8., 9. og 10. bekkinga er frá þriðjudeginum 6. júní til föstudagsins 11. ágúst og vinna árgangarnir á mismunandi tímabilum yfir sumarið. Vinnuskólinn er lokaður frá miðvikudeginum 2. ágúst til þriðjudagsins 9. ágúst og hefst vinna aftur miðvikudaginn 10. ágúst. Það skal tekið skýrt fram að þetta er sá vinnutími sem stefnt er að með fyrirvara um breytingar í ljósi upplýsinga um fjölda umsækjenda eða annarra aðstæðna þegar nær dregur sumri.

Umsóknareyðublöðum verður komið til allra nemenda á skólatíma í viðkomandi skóla í maí. Haldinn er fundur með umsækjendum áður en vinnuskólinn hefst og verður hann hann boðaður sérstaklega.

Stefnt er að vinnu fyrir:

Unglinga f. árið 2003 (8. bekkur)

Þeim stendur til boða að velja milli tveggja tímabila í hálfan mánuð og aðeins á morgnana frá kl. 8:30 til 12:00.

  • 6. júní - 19. júní. 
  • 24. júlí  - 11. ágúst (Vinnuskóli lokaður 2.- 8. ágúst ).
Unglinga f. árið 2002 (9. bekkur)

Þeim stendur til boða að vera í fjórar vikur samfellt, yfir allan daginn. 

  • 6 .júní - 3. júlí.

Unglinga f. árið 2001 (10. bekkur)

Þeim stendur til boða að vera í sex vikur samfellt, yfir allan daginn. 

  • 26. júní - 11. ágúst (Vinnuskóli lokaður 2.- 8. ágúst).

Við áskiljum okkur rétt til breytinga á vinnutíma í ljósi upplýsinga um fjölda umsækjenda eða annarra aðstæðna þegar nær dregur sumri. 

Heil vinnuvika er 35 klst. Unnið frá kl. 8:30 - 12:00 og 13:00 - 16:30 mánud. til fimmtud. og á föstudögum unnið frá 8:30 til 12:35. Kaffitímar unnir og því styttri vinnutími á föstudögum. Umsóknareyðublöðum verður komið til allra sem eru í 8.- 10. bekk á skólatíma í viðkomandi skóla í maímánuði.

Laun unglinga 14 -16 ára við Vinnuskóla Akraness sumarið 2016 eru eftirfarandi, athugið að orlof er innifalið:

  • 14 ára unglingar,   8. bekkingar  (f.2003) Væntanlegt.
  • 15 ára unglingar,   9. bekkingar  (f.2002) Væntanlegt.
  • 16 ára unglingar, 10. bekkingar  (f.2001) Væntanlegt.

Vinna 17 ára unglinga f.2000

Akraneskaupstaður og Vinnuskóli Akraness bjóða unglingum f.2000 með lögheimili á Akranesi vinnu við Vinnuskólann. Vinnan hefst í lok maí og unnið er 35 klst. á viku. Um er að ræða almenna garðvinnu og önnur tilfallandi störf er heyra undir starfsemi vinnuskólans. Stefnt er að vinnu í 4 vikur að lágmarki og allt að 10 vikum. Það ræðst af fjölda umsækjenda hversu langur sá tími verður. Haldinn verður fundur með umsækjendum áður en vinnan hefst og farið yfir stöðuna.

Hér er hægt að sækja um rafrænt á heimasíðu Akraneskaupstaðar en einnig er hægt að sækja um í þjónustuveri bæjarins að Stillholti 16-18, 1. hæð. Umsóknarfrestur er til og með 15. maí. Aðeins þeir sem skila inn umsókn fyrir tiltekinn tíma verður veitt vinna.

Allar nánari upplýsingar veitir Einar Skúlason, rekstrarstjóri Vinnuskólans í tölvupósti á netfangið einar.skulason@akranes.is eða í síma 433-1056/863-1113.

Fannst þér efnið á síðunni hjálplegt?

   
Fara efst
á síðu
  • Akraneskaupstaður

    433 1000
  • Skrifstofan er opin alla virka daga kl. 09:30 - 12:00 og 12:30 - 15:30
  • Stillholti 16-18, 300 Akranes
    Kt: 410169-4449