Velferðar- og mannréttindaráð

Á fundi bæjarstjórnar í ágúst 2021 voru samþykktar reglur Akraneskaupstaðar um styrki til náms og verkfæra- og tækjakaupa fatlaðs fólks. Samþykkt var að reglurnar tækju gildi frá 1. janúar 2022 og fjárhagslegar skuldbindingar vegna þeirra öðlast ekki gildi fyrr en eftir afgreiðslu fjárhagsáætlunar vegna ársins 2022.

Ákvörðun um styrkupphæð til úthlutunar fyrir árið 2022 er vísað til vinnu við fjárhagsáætlun 2022.

Bréf frá Sambandi íslenskra sveitarfélaga um breytingar á barnaverndarlögum sem lúta fyrst og fremst að breyttu skipulagi barnaverndar. Breytingarnar taka gildi að loknum næstu sveitarstjórnarkosningum 2022.

Gæða- og eftirlitsstofnun félagsþjónustu og barnaverndar vekur athygli á nýútgefnum niðurstöðum athugunar stofnunarinnar á áhrifum Covid-19 á gæðum þjónustu við fatlað fólk. Finna má stutta samantekt á skýrslunni á vefsíðu GEF.
Helstu niðurstöður athugunarinnar eru eftirfarandi:
*Tryggja þarf að viðbragðsáætlanir taki tillit til fatlaðs fólks
*Miðla þarf upplýsingum til samfélagsins með fjölbreyttum hætti
*Bregðast þarf við afleiðingum félagslegrar einangrunar
*Huga þarf að stöðu fatlaðs fólks á vinnumarkaði
*Þörf er á átaki varðandi ráðstafanir til að draga úr nauðung í þjónustu
*Áfram þarf að stuðla að sveigjanleika og þróun í þjónustu
*Samstarf þjónustukerfa er lykilatriði í lausnum