Velferðar- og mannréttindaráð

Laufey Jónsdóttir, verkefnastjóri heimaþjónustu kom inn á fundinn undir þessum lið og kynnti málið. Velferðar- og mannréttindaráð þakkar Laufeyju Jónsdóttur fyrir kynninguna.

Velferðar- og mannréttindaráð leggur til að ekki verði tekin ákvörðun um aukna þjónustu á sérstökum frídögum og stórhátíðardögum að svo stöddu. Starfandi sviðsstjóra og verkefnastjóra heimaþjónustu er falið að leita eftir samráði við deildarstjóra og forsvarsmenn HVE til að skoða með hvaða hætti hægt er að auka eða breyta samstarfinu miðað við núverandi stöðu.

Gunnhildur Vala Valsdóttir forstöðumaður búsetuþjónustunnar að Holtsflöt 9, kom inn undir þessum lið og kynnti stöðu öryggismála í þjónustunni. Velferðar- og mannréttindaráð þakkar forstöðumanni fyrir kynninguna.

Velferðar- og mannréttindaráð lýsir áhyggjum af stöðunni og leggur til að starfandi sviðsstjóra og forstöðumanni sé falið að vinna málið áfram fram að næsta fundi ráðsins.

Velferðar- og mannréttindaráð fagnar ákvörðun bæjarráðs um veitingu stofnframlags vegna kaupa á allt að tíu íbúðum Brynju hússjóðs Öryrkjabandalagsins hér á Akranesi.

Trúnaðarmál.