Starfshópur um atvinnu- og ferðamál (2013-2014)

Ingibjörg Gestsdóttir starfsmaður upplýsingamiðstöðvarinnar fór yfir skýrslu sína um starfsemi upplýsingamiðstöðvarinnar sumarið 2013. Ferðamönnum sem komu við í upplýsingamiðstöðinni í sumar fjölgaði um rúmlega 40% og komu flestir frá Þýskalandi og Frakklandi.

Helst var spurt um hvar Byggðasafnið væri að finna, gönguleiðir um Akrafjall, Vitann, ströndina og aðal verslunargötuna. Einngi var nokkuð spurt um ferðir strætó.Töluverð aukning var á fjölda gistinátta á gististöðum í bænum en einhver minnkun var á fjölda ferðamanna á tjaldsvæðinu í sumar.

Farið yfir drög að fjárhagsáætlun 2014 fyrir starfshópinn til áframhaldandi umræðu.

Umræður um undirbúning fyrir væntanlegan stefnumótunarfund í atvinnu- og ferðamálum sem fyrirhugað er að verði haldinn 30. nóvember n.k.