Skóla- og frístundaráð

Áheyrnarfulltrúi Hörður Jóhannesson tók sæti á fundinum.

Erindinu um ungbarnasund er vísað til vinnu við fjárhagsáætlunargerð fyrir árið 2018 og skoðað verði hvort svigrúm er til að auka opnunartíma íþróttamannvirkja.
Skóla- og frístundaráð felur sviðsstjóra í samvinnu við forstöðumann íþróttamannvirkja og sviðsstjóra skipulags- og umhverfissviðs að finna lausn með Sundfélagi Akraness á því að félagið standi jafnfætis öðrum íþróttafélögum til öflunar fjár til reksturs starfsemi sinnar með auglýsingum.

Hörður víkur af fundi kl. 17:30

Áheyrnarfulltrúar Arnbjörg Stefánsdóttir, Sigurður Arnar Sigurðsson og Heiðrún Janusardóttir tóku sæti á fundinum kl. 17:30.
Skóla- og frístundaráð samþykkir að lágmarkstímar til dvalargjalds í frístund á Akranesi verði 20 tímar.
Skóla- og frístundaráð samþykkir að opnunartími frístundaheimila á starfs- og viðtalsdögum verði samræmdur og verði opin á öllum skipulags- og viðtalsdögum eins og aðra daga, umsjónarmönnum frístundar falið að útfæra starfsemina þessa daga.
Skóla- og frístundaráð samþykkir jafnframt að það fari fram heildarendurskoðun á starfsemi frístundaheimila á Akranesi fyrir 1. - 4. bekk, taki endurskoðunin mið af fyrri reynslu, lögum um frístundastarf og gæðviðmiðum fyrir frístundastarf.
Endurskoðunin verði lokið í apríl 2018.