Skipulags- og umhverfisráð

Helena Guttormsdóttir lektor við landbúnaðarháskólann á Hvanneyri og Sædís Alexía Sigurmundsdóttir verkefnastjóri fara yfir tillögu að samkeppnislýsingu, rafrænni íbúakönnun og tímalínu á hugmyndasamkeppni vegna skipulags og hönnunar við Langasandssvæði á Akranesi.

Skipulags- og umhverfisráð samþykkir fyrirliggjandi tillögu að samkeppnislýsingu og rafrænni íbúakönnun. Ennfremur leggur skipulags- og umhverfisráð áherslu á að verkþættir samkvæmt tímalínu verði haldnir.

Helena og Sædís víkja af fundi eftir þennan dagskrárlið.

Skipulags- og umhverfisráð þakkar Jóni Ólafssyni verkefnastjóra góða kynningu. Lagt er til að bætt verði við auka vagni sem miðar að því að hægt sé að bæta við nýjum leiðum og auka þjónustu á álagstoppum.

Jón Ólafsson víkur af fundi eftir þennan fundarlið.

Sigurður Páll Harðarson sviðsstjóri fór yfir stöðu málsins. Rætt var um að mastur skuli nýtast fleiri þjónustuaðilum.
Fyrir liggur afstaða hagsmunaðila í nágrenninu á staðsetningu mastursins við Garðavöll.

Áframhald á vinnu við endurskoðun á aðalskipulagi er varðar greinagerð og uppdrátt með skipulagshöfundi Árna Ólafssyni. Stefnt að því að taka málið fyrir að nýju á næsta fundi ráðsins.
Árni Ólafsson skipulagshönnuður víkur af fundi eftir þennan fundarlið.

Eftirfarandi tilboð bárust.
Skagaver ehf. kr. 21.477.759
GS Import ehf. kr. 24.518.563
Kostnaðaráætlun kr. 22.912.311

Skipulags- og umhverfisráð felur sviðsstjóra að ganga til samninga við lægstbjóðanda um verkið, að því tilskyldu að hann uppfylli útboðskröfur.