Skipulags- og umhverfisráð

Fyrir liggur tillaga frá starfshópi um endurhönnun grunnskólalóða. Fyrsti framkvæmdahluti er áfangi á endurgerð lóðar við Brekkubæjarskóla. Í þeim áfanga felast framkvæmdir við aparólu, nýja boltavelli s.s. körfuboltavöll og pókóvelli, mótun á sleðabrekku og setþrepum. Áætlaður kostnaður fjárfestingar er um 10 milljónum króna umfram það sem reiknað var með í fjárhagsáætlun 2020. Skipulags- og umhverfisráð leggur til við bæjarráð að gerður verði viðauki við fjárhagsáætlun 2020 vegna þessa mismunar.

Skipulags- og umhverfisráð samþykkir að settar verði upp öryggismyndavélar í Garðalundi til að lágmarka líkur á frekari skemmdaverkum. Sett verður upp í samræmi við ábendingu persónuverndarfulltrúa skilti sem greinir frá því að upptaka sé í gangi og hver sé ábyrgðaraðili. Áætlaður kostnaður er um 300 þúsund krónur og verður hann tekin af málaflokki 11, umhverfismál.