Skipulags- og umhverfisnefnd (2002-2006)

44. fundur skipulags- og umhverfisnefndar Akraness haldinn í fundarsal tækni- og umhverfissviðs Dalbraut 8, mánudaginn 17. nóvember 2003 kl. 15:30.

---

Mættir á fundi:	Magnús Guðmundsson Lárus Ársælsson Kristján Sveinsson Eydís Aðalbjörnsdóttir Edda Agnarsdóttir
Auk þeirra voru mættir	Þorvaldur Vestmann, sviðsstjóri tækni- og umhverfissviðs og Ólöf Guðný Valdimarsdóttir, skipulagsfulltrúi sem ritaði fundargerð.

  

1.

Deiliskipulag klasa 5 og 6, nýtt deiliskipulag

Mál nr. SU030022

 

410169-4449 Akraneskaupstaður, Stillholti 16-18, 300 Akranesi

Arkitektar Dennis og Hjördís kynna ný drög  að deiliskipulagi í klasa 5 og 6  í Flatahverfi,  þar sem tekið hefur verið tillit til athugasemda skipulags- og umhverfisnefndar.

Drögin rædd. Stefnt að kynningu á endanlegri tillögu  á næsta fundi nefndarinnar.

 

 

2.

Flatahverfi klasi 1 og 2, deiliskipulagsbreyting

Mál nr. SU030060

Halldóra Bragadóttir, arkitekt hjá Kanon arkitektum mætir á fundinn að ræða endurskoðun á deiliskipulagi einbýlishúsalóða  meðfram Innnesvegi og  Garðagrund í klasa 1 og  2 í Flatahverfi og möguleika á að liðka til í skipulagsskilmálum á parhúsalóðum við Eyrarflöt .

Bréf OR dags. 17.11.2003,  vegna kostnaðar við  breytingar á lögnum samfara breytingum á deiliskipulagi, lagt fram.

Samþykkt var að fela Kanon arkitektum ehf. að koma með hugmyndir að breytingu á skipulaginu í samræmi við umræður á fundinum. Fyrst verði lögð áhersla á að endurskoða parhúsalóðir við Eyrarflöt.

  

3.

Hafnarsvæði, deiliskipulagsbreyting

Mál nr. SU030040

410169-4449 Akraneskaupstaður, Stillholti 16-18, 300 Akranesi

 

Tillaga Magnúsar H. Ólafssonar að deiliskipulagsbreytingu Hafnarsvæðis vegna fiskmarkaðar og fóðurskemmu Stjörnugríss.

Nefndin samþykkir fyrirliggjandi tillögu að breytingu á deiliskipulagi Hafnarinnar og leggur til að tillagan verði auglýst skv. 25. gr. skipulags- og byggingarlaga nr. 73/1997.

 

4.

Breiðarsvæði, deiliskipulagsbreyting

Mál nr. SU030069

 Tillaga  frá Hönnun, f.h. Haraldar Böðvarssonar hf, að deiliskipulagsbreytingu á Breiðarsvæði. Um er að ræða skilgreiningu á lóðarmörkum.

Skipulags- og umhverfisnefnd samþykkir fyrirliggjandi tillögu að lóðamörkum og leggur til að tillagan verði grenndarkynnt skv. 2.mgr. 26. gr skipulags- og byggingarlaga nr. 73/1997, eigendum lóðanna á sem deiliskipulagsbreytingin nær til.

Lárus Ársælsson vék af fundi við afgreiðslu málsins.

  

5.

Opin svæði, skreiðarstæði

Mál nr. SU030061

490988-1229 Laugarfiskur hf., Laugum, 650 Laugar

 

Skipulagsfulltrúi hefur skoðað staðsetningu á skreiðarhjöllum í samvinnu við fulltrúa Laugafisks  hf..

Staðsetning hjallana á útivistarsvæði kallar á aðalskipulagsbreytingu og nýtt deiliskipulag.

Skipulags- og umhverfisnefnd leggur til tvö svæði sem koma til greina. Annars vegar að skreiðarhjöllunum verði fundinn staður á Breiðarsvæði,  hins vegar upp með Berjadalsánni austan við gömlu sorphaugana.

  

6.

Akratorgsreitur, deiliskipulagsbreyting

Mál nr. SU030044

410169-4449 Akraneskaupstaður, Stillholti 16-18, 300 Akranesi

 

Verkáætlun og kostnaðarmat frá Hönnun ehf. vegna deiliskipulagsbreytinga á Akratorgsreit fyrir reit sem afmarkast af Akurgerði, Merkigerði, Kirkjubraut og Sunnubraut.

Skipulags- og umhverfisnefnd leggur til að Hönnun verði falið að vinna deiliskipulagsbreytinguna skv. meðfylgjandi kostnaðarmati. Óskað er eftir að tillaga verði tilbúin fyrir áramót.

Verkefnið er ekki inni í þeim verkefnalista sem  liggur til grundvallar fjárhagsáætlunar 2003.

Lárus Ársælsson vék af fundi við afgreiðslu málsins.

 

7.

Flatahverfi, klasi 1 og 2, deiliskipulagsbreyting

Mál nr. SU030068

Tillaga Kristins Ragnarssonar dags. 6. nóvember 2003 að deiliskipulagsbreytingu í klasa 1 og 2 í Flatahverfi vegna lóðarinnar nr. 2 við Brúarflöt. Breytingin gerir ráð fyrir tveimur stigahúsum í stað þriggja og ná þau 75 cm út fyrir bindandi byggingarlínu til norðurs.

Skipulags- og umhverfisnefnd samþykkir tillöguna Nefndin telur breytinguna það óverulega að engir hafi hagsmuna að gæta og felur skipulagsfulltrúa að afgreiða málið skv. 2.mgr. 26.gr. skipulags- og byggingarlaga nr. 73/1997.

  

8.

Suðurgata 47, 51 og 57, deiliskipulagsbreyting

Mál nr. SU030042

440203-3450 Akratorg ehf., Vesturgötu 41, 300 Akranesi

Ósk bæjarráðs um umsögn skipulags- og umhverfisnefndar vegna bréfs Akratorgs ehf. dags. 10. nóvember 2003 um verksvið byggingarnefndar og skipulags- og umhverfisnefndar.

Bréfritari hefur óskað eftir að erindið verði dregið til baka.

Skipulagsfulltrúi hefur tilkynnt bæjarráði um lyktir málsins.

 

 

9.

Fundarboð, rafræn útsending fundarboða og gagna

Mál nr. SU030070

410169-4449 Akraneskaupstaður, Stillholti 16-18, 300 Akranesi

Tillaga skipulags- og umhverfisnefndar um að eftirleiðis verði fundarboð og fylgigögn einungis sent út með rafrænum hætti. Viðkomandi gögn liggi jafnframt frammi á fundum nefndarinnar.

Samþykkt.

  

Fleira ekki gert, fundi slitið kl. 18:00.