Fjölskylduráð (2009-2014)

Framkvæmdastjóri lagði fram bréf frá skólastjóra Brekkubæjarskóla þar sem óskað er eftir viðbótar starfsmanni í sérdeild vegna fjölgunar í deildinni auk breytingu um röðun deildarstjóra. Fjölskylduráð mælir með erindinu sem verður sent til bæjarráðs.

Lagt fram.

Framkvæmdastjóri lagði fram útreikninga vegna umsókna tómstunda og íþróttafélaga um styrk vegna ársins 2009.

Á bæjarstjórnarfundi 27. apríl lagði Guðmundur Páll Jónsson fram tillögu um að draga úr skerðingu sem leikskólarnir sættu á veikindaafleysingu og vegna forfallakennslu í grunnskólunum. Tillagan gengur út á að bæta 25% af skerðingunni. Tillagan var rædd. Fjölskylduráð samþykkir að leggja til við bæjarráð að tillagan verði samþykkt með þeirri breytingu að skerðing forfallakennslu grunnskólanna verði bætt um 35% í stað 25% frá og með 1. júni. Fjölskylduráð leggur áherslu á að tekið verði tillit til þessarar tillögu við næstu endurskoðun fjárhagsáætlunar í júní n.k.

Framkvæmdastjóri lagði fram yfirlit yfir tillögur að átaksverkefnum sem tilheyra Fjölskyldustofu. Fjölskylduráð leggur til að opnaður verði gæsluvöllur í júlí og það verði eitt af átaksverkefnum.