Fara í efni  

Bæjarráð

3143. fundur 12. janúar 2012 kl. 17:00 - 18:00 í fundarherbergi 3. hæð, Stillholti 16-18
Nefndarmenn
  • Guðmundur Páll Jónsson formaður
  • Hrönn Ríkharðsdóttir varaformaður
  • Þröstur Þór Ólafsson aðalmaður
  • Jón Pálmi Pálsson bæjarritari
Fundargerð ritaði: Jón Pálmi Pálsson bæjarritari
Dagskrá

1.Fab Lab 2012 - framlag

1112145

Ársskýrsla Fablab Akranes 2011.

Bæjarráð samþykkir að boða til viðræðna um málefni Fablab, verkefnastjóra og formann verkefnastjórnar.

2.Fjárhagsáætlun 2012

1109132

Á fundinn mætti til viðræðna Andrés Ólafsson, fjármálastjóri.

Bæjarráð fór yfir endanlegar tillögur til breytingar á fjárhagsáætlun 2012.

Bæjarráð samþykkir í ljósi aðstæðna að hætta, að svo komnu máli við ráðningu upplýsingatæknistjóra.

Samkvæmt fyrirliggjandi tillögu er rekstrarafkoman eftirfarandi:

A-hluti 20,3 m.kr. tekjuafgangur.

B-hluti 16.2 m.kr. halli.

Samstæðan í heild skilar þannig 4,1 m.kr. tekjuafgangi.

Bæjarráð samþykkir að vísa tillögunni til endanlegrar afgreiðslu í bæjarstjórn.

3.Elli- og örorkulífeyrisþegar - tekjuviðmið vegna álagningar fasteignagjalda 2012

1201105

Bréf fjármálastjóra dags. 10.janúar 2012 þar sem gerð er tillaga að hækkun á tekjuviðmiði tekjulágra elli- og örorkulífeyrisþega sem rétt eiga á lækkun og niðurfellingu fasteignaskatts á árinu 2012. Viðmið hækkar sem nemur breytingu launavísitölu á milli ára, 8,9%.

Bæjarráð leggur til við bæjarstjórn að tillagan verði samþykkt.

4.Rekstrarstaða Akraneskaupstaðar 2011

1106063

Bréf deildarstjóra bókhaldsdeildar dags. 5. janúar 2012 þar sem gerð er grein fyrir rekstrarniðurstöðu fyrir janúar - nóvember 2011.
Rekstrarniðurstaða janúar - nóvember 2011.
Fyrir fundinum lágu upplýsingar um 11 mánaða bráðabirgðauppgjör A- og B hluta Akraneskaupstaðar.
Rekstrarniðurstaða án fjármagnsliða í A- hluta sýna halla sem nemur 6,7 millj. kr. á móti áætluðum tekjum í fjárhagsáætlun sem nemur 63,4 millj. kr. Halli A- hluta með fjármagnsliðum nemur 123,9 millj. kr. á móti áætluðum hagnaði sem nemur 14,3 millj. kr. Samstæðan í heild sinni sýnir halla án fjármagnsliða sem nemur 36,7 millj. kr á móti áætlun 26,9 millj. kr. tekjum, en 154,2 millj. kr. halla með fjármagnsliðum á móti 20,6 millj. kr. hagnaði í fjárhagsáætlun.

Lagt fram.

5.Gjaldskrá fyrir hundahald 2012

1201044

Bréf framkvæmdaráðs dags. 6.janúar 2012 þar sem lagt er til við bæjarstjórn að staðfesta breytingu á gjaldskrá fyrir hundahald 2012. Minnisblað framkvæmdastjóra um áætlaðar tekjur vegna dýrahalds og kostnað við hreinsun.

Vísað til afgreiðslu bæjarstjórnar.

6.Gjaldskrár 2012

1112160

Bréf framkvæmdastjóra Fjölskyldustofu dags. 9. janúar 2012 þar sem lagt er til að reikningar veittrar heimaþjónustu miðist við þjónustutímabil frá miðjum mánuði til miðs mánaðar.

Bæjarráð samþykkir erindið.

7.Lífeyrisskuldbinding Akraneskaupstaðar

1201120

Bæjarráð leggur til við bæjarstjórn að eftirfarandi tillaga verði samþykkt:
"Bæjarstjórn Akraness samþykkir að fela bæjarstjóra í samvinnu við lífeyrissjóð starfsmanna Akraneskaupstaðar og sveitarfélaga að gera tillögu til hlutaðeigandi stjórnvalda um breytingu laga, þannig að lífeyrissjóðum verði heimilt að taka eigin skuldabréf sveitarfélaga, eða skuldabréf með ábyrgð sveitarfélaga, sem greiðslu áfallinna lífeyrisskuldbindinga sveitarfélagsins.
Jafnframt samþykkir bæjarstjórn að afborganir og vextir af skuldabréfi Orkuveitu Reykjavíkur í eigu Akraneskaupstaðar, verði ráðstafað til greiðslu lífeyrisskuldbindinga Akraneskaupstaðar hjá Lífeyrissjóði Akraneskaupstaðar á meðan leitað verður eftir framangreindri lagabreytingu eða hún verður samþykkt".

Vísað til afgreiðslu bæjarstjórnar.

8.Fjárhagsáætlun til 3 ára - 2013-2015

1201106

Rætt um forsendur sem áætlunin verði unnin á.

Bæjarráð samþykkir að vísa fjárhagsáætluninni til fyrri umræðu í bæjarstjórn.

9.Íþróttahús - niðurfelling á húsaleigu

1201122

Tölvupóstur Sævars Þráinssonar f.h. Árgangs 71, dags. 3. janúar 2012, þar sem óskað er eftir að Akraneskaupstaður láni íþróttahúsið við Jaðarsbakka endurgjaldslaust fyrir Þorrablót Skagamanna þar sem allur ágóði mun renna til íþróttastarfs á Akranesi.

Bæjarráð samþykkir erindið.

Fundi slitið - kl. 18:00.

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00