Bæjarráð

Bæjarráð þakkar Sigríði Steinunni verkefnastjóra fyrir kynninguna og tillögugerðina.

Bæjarstjóra falið að vinna málið áfram.

Bæjarráð þakkar jafnframt Sigríði Steinunni fyrir góð störf í þágu Akraneskaupstaðar og óskar henni velfarnaðar á nýjum vettvangi en hún mun láta af störfum þann 21. maí næstkomandi og taka við nýju framtíðarstarfi.

Bæjarráð felur bæjarstjóra og sviðsstjóra frekari úrvinnslu málsins með beinni tillögugerð um breytingu á gatnagerðargjöldum Akraneskaupstaðar og leggja fyrir næsta fund bæjarráðs sem verður þann 31. maí næstkomandi.

RÓ víkur af fundi undir þessum lið.

Bæjarráð samþykkir að gengið verði frá leigusamningi við Trémiðjuna Akur ehf. um leigu á húsnæði til ársloka 2020 til að tryggja áframhaldandi rekstur Fjöliðjunar.

Heildarútgjöld á árinu 2019 vegna leigu og nauðsynlegra breytinga á umræddu húsnæði eru áætluð kr. 12,4 mkr. Áætlaðar tryggingabætur vegna eldsvoðans eru áætlaðar 4,5 mkr. Kostnaði vegna ráðstöfunarinnar verður mætt með lækkun áætlaðs rekstrarafgangs ársins 2019. Breytingarnar verða færðar á deild 02240 Fjöliðjan á Akranesi.

Bæjarráð samþykkir að gert verði ráð fyrir kostnaði vegna leigu á húsnæðinu í fjárhagsáætlun ársins 2020.

Bæjarfulltrúarnir ELA og VJ samþykkja að unnið verði annað verðmat á húsinu. Ennfremur að unnar verði þrívíddarteikningar til að sýna mögulega ásýnd húsa við Suðurgötu.

Bæjarfulltrúinn RÓ lýsir yfir andstöðu sinni við að selja Suðurgötu 108 á almennum markaði. Í nýju deiliskipulagi á Sementsreit, sem samþykkt var í september 2017, er heimild fyrir því að rífa húsnæðið og hefur umræðan öll verið á þá leið frá því að deiliskipulagsverkefnið byrjaði. Þessi ákvörðun um að halda húsnæðinu við Suðurgötu 108 er því viðsnúningur frá fyrri hugmyndum um uppbyggingu á reitnum. Einnig setur bæjarfulltrúi Sjálfstæðisflokksins miklar spurningar við það hvernig þetta mál hefur þróast frá því að bæjarráð beindi erindi til skipulags- og umhverfisráðs um að undirbúa niðurrif hússins á fundi sínum þann 27. mars síðastliðinn.

Bæjarráð felur bæjarstjóra að hefja undirbúning að almennu útboði um ráðgjöf varðandi uppbyggingu á Sementsreit.

Bæjarráð samþykkir fyrirhugaða stækkun hússins með því skilyrði að gerður verði viðauki við samning Akraneskaupstaðar og Dreyra frá 1. maí 2018 um uppbygginguna þar sem áætlaður viðbótarkostnaður vegna stækkunarinnar verði skýrlega tilgreindur og áætlun Dreyra um hvernig félagið geti staðið undir þeirri fjárhagslegu skuldbindingu sem því fylgir.

Bæjarráð óskar eftir nákvæmari kostnaðaráætlun vegna hugmyndarinnar sem liggur fyrir um endurnýjun á vélbúnaði fyrir þrjár keilubrautir.

Bæjarfulltrúinn RÓ telur skynsamlegt að vísa beiðni Keilufélagsins til fjárhagsáætlunargerðar fyrir árið 2020. Einnig er mikilvægt að taka upp frekari samtal við Íþróttabandalag Akraness um forgangsröðun fjármuna þegar kemur að uppbyggingu íþróttamannvirkja og aðbúnað aðildafélaga innan bandalagsins í kjölfar beiðna sem þessarar.

Afgreiðslu málsins frestað.

Bæjarráð tekur undir mikilvægi þess að unnin verði heildaráætlun um breytingar á leikskólalóðum Akraneskaupstaðar með tilliti til þarfa yngsta barnahópsins til samræmis við þær ákvarðanir sem teknar hafa verið á undanförnum árum um inntöku á leikskólum Akraneskaupstaðar.

Ákvörðun um frekari tækjakaup tengist augljóslega ákvörðun um framtíðaruppbyggingu leikskóla á Akranesi og eðlilegt að erindi Garðasels um búnað verði skoðað í því samhengi.

Erindinu er því synjað að svo stöddu.

Þarfagreiningu á leikskólalóðum vegna yngsta aldurshópsins er vísað til skóla- og frístundaráðs og skipulags- og umhverfisráðs.

Sigurður Páll Harðarson víkur af fundi.

Niðurstaða útboðsins var eftirfarandi:
1. Vátryggingafélag Íslands (VÍS) kr. 24.518.646
2. Tryggingamiðstöðin (TM) kr. 28.222.172.
3. Sjóvá kr. 29.071.431.

Kostnaðaráætlun Akraneskaupstaðar var kr. 28.369.778.

Bæjarráð felur bæjarstjóra frekari úrvinnslu málsins en samkvæmt útboðsgögnum er gert ráð fyrir að endanleg ákvörðun um samþykki tilboðs verði til meðferðar á fundi bæjarráðs 31. maí næstkomandi.

Bæjarráð fagnar opnun Frístundamiðstöðvarinnar við Garðavöll og óskar Skagamönnum öllum til hamingju með mannvirkið.

Bæjarráð samþykkir fyrirliggjandi rekstrarsamning og vísar honum til staðfestingar í bæjarstjórn Akraness.

Gert var ráð fyrir útgjöldunum í fjárhagsáætlun ársins.

Bæjarráðs samþykkir erindið. Kostnaði, samtals að fjárhæð kr. 1.000.000, verður mætt af liðnum 20830-4995 og færður á deild 05580.

Til ráðstöfunar á lið 20830-4995 eru kr. 12.682.400 að teknu tilliti til ákvörðunarinnar nú.

Bæjarráð felur bæjarstjóra frekari úrvinnslu málsins en skila þarf umsókn til Vegagerðarinnar um ríkisframlög vegna fyrirhugaðra hafnarframkvæmda og sjóvarna á tímabili samgönguáætlunar fyrir 31. maí næstkomandi.

Bæjarráð samþykkir úthlutun byggingarlóðarinnar að Fjólulundi 3 til umsækjanda.

Bæjarráð samþykkir fyrirliggjandi samning Akraneskaupstaðar og Þroskahjálpar um stofnframlag Akraneskaupstaðar vegna fyrirhugaðar uppbyggingar Þroskahjálpar á fimm íbúðum við Beykiskóga 17. Jafnframt samþykkir bæjarráð fyrirliggjandi yfirlýsingu um kvöð sem þinglýsa þarf á lóðina/íbúðirnar og er í samræmi við lög nr. 52/2016 um almennar íbúðir og reglugerð nr. 555/2016 um stofnframlög ríkis og sveitarfélaga, húsnæðissjálfseignarstofnanir og almennar íbúðir.

Bæjarráð vísar samningnum til staðfestingar í bæjarstjórn Akraness.

Bæjarráð samþykkir verklegsreglur um gerð viðauka og vísar þeim til staðfestingar í bæjarstjórn Akraness.

Bæjarráð hvetur alla bæjarbúa til að mæta á fundinn og leggja þessu mikilvæga máli lið.

Bæjarráð samþykkir að fela Sædísi Alexíu Sigurmundsdóttur verkefnastjóra og Ellu Maríu Gunnarsdóttur forstöðumanni menningar- og safnamála að móta tillögur um útgáfu af Skagapassanum og leggja fyrir bæjarráð eigi síðar en 13. júní næstkomandi.

Bæjarráð tekur undir umsögn Sambands íslenskra sveitarfélaga um tillögu til þingsályktunar um fjármálaáætlun 2020-2024 og felur bæjarstjóra að koma þeirri afstöðu bæjarráðs á framfæri við nefndasvið Alþingis með formlegum hætti sem öðrum þeim atriðum sem varða Akraneskaupstað sérstaklega.

Umsögn Akraneskaupstaðar verður birt á heimasíðu kaupstaðarins.

Lagt fram.

Lagt fram.

Bæjarráð samþykkir að Sævar Freyr Þráinsson bæjarstjóri mæti á fundinn sem fulltrúi Akraneskaupstaðar.