Fara í efni  

Bæjarráð

3295. fundur 10. nóvember 2016 kl. 08:30 - 10:00 í fundarherbergi 3. hæð, Stillholti 16-18
Nefndarmenn
  • Ólafur Adolfsson formaður
  • Valdís Eyjólfsdóttir varaformaður
  • Ingibjörg Valdimarsdóttir aðalmaður
  • Vilborg Þ. Guðbjartsdóttir áheyrnarfulltrúi
  • Ingibjörg Pálmadóttir áheyrnarfulltrúi
Starfsmenn
  • Regína Ásvaldsdóttir bæjarstjóri
  • Steinar Dagur Adolfsson sviðsstjóri stjórnsýslu- og fjármálasviðs
Fundargerð ritaði: Steinar Adolfsson sviðsstjóri
Dagskrá

1.Fundargerðir 2016 - menningar- og safnarnefnd

1601010

34. fundargerð menningar- og safnanefndar frá 9. október 2016.
35. fundargerð menningar- og safnanefndar frá 18. október 2016.
Fundargerðirnar lagðar fram til kynningar.

2.Fundargerðir 2016 - Samband ísl. sveitarfélaga

1603032

843. fundargerð stjórnar Sambands íslenskra sveitarfélaga frá 28. október 2016.
Fundargerðin lögð fram til kynningar.

3.Krafa frá kennurum til sveitarfélaga

1611053

Erindi og undirskriftarlisti frá kennurum í grunnskólum á Akranesi vegna kjaramála.
Bæjarráð tekur undir mikilvægi þess að ná sátt í kjaradeilu kennara og Sambands íslenskra sveitarfélaga en deilunni hefur nú verið vísað til embættis ríkissáttasemjara. Að mati bæjarráðs vinna kennarar á Akranesi frábært starf í skólunum sem ber að meta. Bæjarráð getur þó ekki tekið undir það að sveitarfélög á Íslandi hafi almennt sýnt metnaðarleysi þegar kemur að rekstri grunnskóla enda hafa framlög til skólamála aukist hlutfallslega frá því að málaflokkurinn var tekinn yfir af ríkinu.

4.Fundargerðir 2016 - Heilbrigðiseftirlit Vesturlands

1602030

139. fundargerð Heilbrigðiseftirlits Vesturlands frá 7. nóvember 2016.
Fundargerðin lögð fram til kynningar.

5.Akranesviti á Breið - leigusamningur

1610129

Afnotasamningur ásamt viðhaldsáætlun um Akranesvita.
Bæjarráð samþykkir fyrirliggjandi samning við Vegagerðina um greiðslu 750 þúsund króna á ári vegna afnota af Akranesvita. í tengslum við samninginn var einnig lögð fram áætlun um viðhald á vitanum fyrir næsta ár en gert er ráð fyrir bæði hefðbundu viðhaldi og sérstökum aðgerðum. Hefðbundið viðhald er að kústa vitann, laga sprungur og steypuskemmdir utanhúss, mála ljóshúsið að utan og innan og yfirfara útisvalir og mála. Einnig verður lúga út á svalirnar yfirfarin og máluð. Annað viðhald sem stefnt er að því að fara í vorið 2017 er að styrkja sjóvörn, skipta út hleðslugleri (gluggar) í vitanum og laga steypta stétt umhverfis vitann sem er töluvert sprungin.

Útgjöldum vegna ársins 2016 verður mætt af liðnum 20830-4980. Útgjöldum vegna ársins 2017 er vísað til fjárhagsáætlunar.

6.Fjárhagsáætlun Heilbrigðiseftirlits Vesturlands 2017

1611059

Fjárhagsáætlun Heilbrigðiseftirlits Vesturlands fyrir árið 2017.
Fjárhagsáætlun Heilbrigðisnefndar Vesturlands árið 2017 samþykkt og vísað til fjárhagsáætlunargerðar.

7.Sorphirða á Akranesi og í Borgarbyggð - útboð

1604025

Kynning á stöðu útboðs vegna sorphirðu á Akranesi.
Farið yfir stöðu útboðs vegna sorphirðu á Akranesi en skipulags og umhverfisnefnd hefur hafnað tilboðum frá Gámaþjónustu Vesturlands og Íslenska Gámafélaginu ehf. þar sem tilboðin voru langt yfir kostnaðaráætlun.

8.Úrskurður Kjararáðs um laun forseta Íslands, þingfararkaup alþingismanna og launakjör ráðherra

1611060

Úrskurður Kjararáðs lagður fram til kynningar.
Farið yfir úrskurð Kjararáðs frá 30. október síðastliðinn. Laun bæjarfulltrúa á Akranesi taka mið af kjorum þingmanna og eru 19 % af þingfararkaupi. Laun bæjarstjóra og annarra embættismanna hjá Akraneskaupstað taka ekki mið af ákvörðun Kjararáðs, heldur af almennum kjarasamningum. Bæjarráð samþykkir að fresta framkvæmd á fyrirhugaðri hækkun.

9.Starf fjármálastjóra Akraneskaupstaðar

1609090

Staða á ráðningu fjármálastjóra hjá Akraneskaupstað.
Sviðsstjóri stjórnsýslu- og fjármálasviðs kynnir feril við ráðningu fjármálastjóra Akraneskaupstaðar.

10.Eldvarnabandalagið - eldvarnaeftirlit hjá Akraneskaupstað

1608178

Greinargerð um samstarf Akraneskaupstaðar og Eldvarnabandalagsins um auknar eldvarnir.
Bæjarráð þakkar þeim Garðari H. Guðjónssyni verkefnastjóra hjá Eldvarnarbandalaginu, Sædísi Sigurmundsdóttur verkefnastjóra hjá Akraneskaupstað og Þránni Ólafssyni slökkviliðsstjóra fyrir greinargóða skýrslu um sameiginlegt verkefni Akraneskaupstaðar og Eldvarnarbandalagsins um eldvarnir á stofnunum bæjarins og á heimilum starfsmanna. Einnig þakkar bæjarráð starfsmönnum og stjórnendum Akraneskaupstaðar og Eldvarnarbandalaginu fyrir þetta mikilvæga verkefni.

11.Reglugerð um heimagistingu o.fl.

1611011

Drög að nýrri reglugerð um heimagistingu og reglugerð um gististaði og veitingahús.
Reglugerðirnar lagðar fram til kynningar.
Bæjarstjóra falið að koma á framfæri athugasemdum m.a. varðandi 34. gr. og 39. gr. reglugerðar um gisti- og veitingastaði.

Fundi slitið - kl. 10:00.

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00