Forsíða/Dagatal/Næstu viðburðir/Vökudagar 2026

Vökudagar 2026

Viðburður

Hvenær 22. október - 1. nóvember

Vökudagar hafa verið haldnir á Akranesi frá árinu 2002 og hafa vaxið og dafnað með hverju árinu. Í lok október og byrjun nóvember ár hvert býður Akraneskaupstaður í samvinnu við mennta- og menningarstofnanir bæjarins, einstaklinga og hópa úr bæjarfélaginu til menningarhátíðarinnar Vökudaga. Tilgangur hátíðarinnar er að efla menningarlíf í bænum og lífga um leið upp á skammdegið.

Umfang hátíðarinnar hefur aukist ár frá ári og hefur hún notið vaxandi vinsælda meðal bæjarbúa; reyndar hefur hróður hennar borist langt út fyrir bæjarmörkin enda sækir fólk úr nágrannasveitarfélögum og jafnvel víðar að þessa skemmtilegu hátíð. Dagskrá hennar og viðburðir hafa sömuleiðis orðið viðameiri með hverju árinu og einnig hefur þátttaka fyrirtækja og stofnana aukist jafnt og þétt. Þannig hafa Vökudagar öðlast sinn fasta sess í bæjarlífinu.

Á Vökudögum fer fram fjöldi metnaðarfullra viðburða, listasmiðjur, tónlistarhátíðir, einka- og samsýningar og margt fleira.

Hér má finna dagskrá hátíðarinnar árið 2026 á glænýrri vefsíðu:

Vefsíða Vökudaga - Dagskrá og helstu upplýsingar

Hér getið þið skoðað skemmtilegar svipmyndir frá fyrr árum:

Myndasafn Akraneskaupstaðar

Vilt þú vera með:

Ert þú með hugmynd að sýningu, tónleikum, fyrirlestri, smiðju, opnu húsi eða öðrum viðburði?
Áttu rými sem gæti hentað fyrir listviðburð eða menningarstarfsemi?
Vill fyrirtæki, félag eða stofnun taka þátt í að skapa líf og stemningu í bænum?

Hvort sem hugmyndin þín er stór eða smá, hefðbundin eða nýstárleg, viljum við heyra frá þér. Fjölbreytileikinn er það sem gerir Vökudaga að þeirri hátíð sem hún er.

Ef þú ert með spurningar eða vilt ráðfæra þig um hugmynd áður en þú skráir hana er þér velkomið að hafa samband við verkefnastjóra menningarmála á netfanginu mannlif@akranes.is eða senda okkur línu hér á facebook!

Hvetjum ykkur til að skrá ykkar viðburð hér

Til baka