Fara í efni  

Sjónarafl - Rýndu í verkin

Héraðsskjala- og bókasafn Akranes bjóða krökkum á öllum aldri að koma á safnið á opnunartíma og rýna í nokkur valin verk úr listasafni Akraneskaupstaðar. Á staðnum verða ákveðnar spurningar og svarbox sem krakkarnir geta komið sinni upplifun á blað. Eftir barnamenningarhátíðina verða svörin hengd í kringum verkin fyrir gesti að lesa.

Stuðst er við fræðsluefni frá Listasafni Íslands, verkefnið kallast Sjónarafl - Þjálfun í myndlæsi. Það er skemmtilegt frá því að segja að allar mennta- og menningarstofnanir bæjarins fengu bókina að gjöf frá Barnamenningarhátíð Akraneskaupstaðar.

Þjálfun í myndlæsi eykur einnig hæfni í tjáningu, virkri hlustun, hugtakaskilningi og gagnrýnni hugsun.

Fræðsluverkefnið Sjónarafl felur í sér valdeflingu þátttakenda til að skilja og takast á við myndrænar upplýsingar og heiminn eins og hann kemur þeim fyrir sjónir. Í myndlæsi er unnið markvisst með umræðu- og spurnaraðferð kennslufræðinnar þar sem þátttakendum er gefið gott rúm til að tjá sig og lýsa eða túlka það sem þeir sjá.

Barnamenningarhátíð Akraneskaupstaðar er styrkt af Barnamenningarsjóði og SSV.

Fannst þér efnið á síðunni hjálplegt?

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-12:00