Frístundaheimilið Grundasel

Grundasel er staður þar sem við viljum fyrst og fremst að börnunum líði vel, finni fyrir öryggi og unnið sé faglegt starf. Í Grundaseli vinnur starfsfólk með fjölbreyttan bakgrunn sem skilar sér í metnaðarfullu og fjölbreyttu starfi. Við leggjum áherslu að efla sjálfsmynd barna, sjálfstraust og unnið er markvisst með virðingu í samskiptum. Lögð er áhersla á að þroska félagslega færni í samskiptum í gegnum leik og starf, sem og virðingu fyrir sjálfum sér, öðrum og umhverfi sínu.

Daglegt starf

Í Grundaseli leggjum við mikinn metnað í að bjóða uppá skemmtilegt klúbbastarf, allir finni eitthvað við sitt hæfi og ávallt stendur til boða frjáls leikur þar sem börnin efla bæði áhugasvið sitt og félagsfærni. Þá förum við í skipulagða og frjálsa útiveru á degi hverjum.

Hressing

Kaffitímínn í frístund er mikilvægur þar sem við erum með dugleg börn sem þurfa á hollu og næringarríku nesti á að halda. Við framfylgjum því með ávöxtum, grænmeti og ýmsu brauðmeti.

Sótt er um dvöl á frístundaheimilinum í gegnum Völu

https://innskraning.island.is/?id=valais&path=%2fvala-fristund-vetur