Auglýst starf forstöðumanns menningar- og safnamála
16.10.2015
Frá opnun sýningarinnar Samspil í tilefni Vökudaga 2015
Akraneskaupstaður auglýsir eftir öflugum leiðtoga í nýtt starf forstöðumanns menningar- og safnamála á Akranesi. Við erum fyrst og fremst að leita eftir kraftmiklum einstaklingi sem hefur mikinn metnað og hefur sýnt árangur í starfi.
Helstu verkefni og ábyrgðarsvið:
- Fagleg forysta í menningar- og safnamálum
- Yfirstjórn stofnana sem tilheyra málaflokknum
- Markaðs- og kynningarstarf menningar- og safnamála
- Yfirumsjón með gerð starfs- og fjárhagsáætlunar
- Yfirumsjón með viðburðum og hátíðarhöldum
- Undirbúningur funda menningar- og safnanefndar og eftirfylgni
Menntunar- og hæfniskröfur:
- Háskólamenntun sem nýtist í starfi, framhaldsmenntun á sviði stjórnunar æskileg
- Stjórnunarreynsla, þ.m.t. reynsla af stefnumótun og breytingastjórnun
- Mikil samskipta- og samstarfshæfni
- Hæfni í framsetningu á efni í ræðu og riti
- Góð þekking og reynsla af fjárhagsáætlunargerð
Með umsókn þarf að fylgja ítarleg starfsferilskrá og kynningarbréf þar sem umsækjandi gerir grein fyrir ástæðu umsóknar og rökstuðningi fyrir hæfni í starfið. Umsóknarfrestur til 9. nóvember 2015 og skal sótt um starfið á heimasíðu Hagvangs.
Upplýsingar um starfið veitir Katrín S. Óladóttir, katrin@hagvangur.is
