Velferðar- og mannréttindaráð

Verkefnið "Sprækir skagamenn" hefur verið í gangi frá haustinu 2024 og hefur þátttakan verið mikil frá upphafi og eftirspurnin aukist jafnt og þétt. Ræða þarf framhald verkefnisins á árinu 2026 og til framtíðar. Fyrir liggur kostnaðargreining frá ÍA miðað við raunkostnað 2025 og þrjár ólíkar sviðsmyndir lagðar fram.

Ráðið var til tveggja ára í 80% starf verkefnastjóra farsæls frístundastarfs og kostnaði mætt með styrk frá mennta- og barnamálaráðuneyti. Er um að ræða samvinnuverkefni velferðar- og mannréttindasviðs og skóla- og frístundasviðs í þágu þágu farsældar barna hjá Akraneskaupstað.



Hlutverk verkefnastjóra var að leggja grunn að nýrri nálgun í stuðningi við börn með það að markmiði að tryggja öllum börnum sem þurfa stuðning og tækifæri til þátttöku í íþrótta- og tómstundastarfi.



Verkefnið farsælt frístundastarf fyrir öll börn hefur fengið verðskuldaða athygli fyrir nýsköpun og nálgun sem byggir á rannsóknum um forvarnargildi þátttöku barna í skipulögðu frístundastarfi. Það er jafnframt liður í heildstæðri sýn Akraneskaupstaðar á inngildandi þjónustu og eitt af 17 metnaðarfullum verkefnum sem styðja við að sveitarfélagið hlaut viðurkenningu sem Barnvænt sveitarfélag UNICEF árið 2025.