Velferðar- og mannréttindaráð
Dagskrá
1.Gjaldskrár 2026
2508059
Gjaldskrá 2026 lögð fram til umræðu.
Velferðar- og mannréttindaráð leggur áherslu á að gjaldskrár sem falla undir velferðar- og mannréttindasvið taki almennum breytingum til jafns við aðrar gjaldskrár sveitarfélagsins og raunkostnaði við aðkeypta þjónustu.
2.Uppbygging almenningssalerna fyrir fatlað fólk
2508175
Umræða um verkefni undir heitinu:
Changing Places Toilets International, en um er að ræða óhagnaðardrifið félag með það að markmiði að byggja upp sérhæfða salernisaðstöðu á almenningsstöðum fyrir fatlað fólk. Félagið var stofnað árið 2019 af James Stuart Smith, Ross Hovey og Jean Hewitt, þremur leiðandi hugsuðum í aðgengismálum.
Changing Places Toilets International, en um er að ræða óhagnaðardrifið félag með það að markmiði að byggja upp sérhæfða salernisaðstöðu á almenningsstöðum fyrir fatlað fólk. Félagið var stofnað árið 2019 af James Stuart Smith, Ross Hovey og Jean Hewitt, þremur leiðandi hugsuðum í aðgengismálum.
Velferðar- og mannréttindaráð er áhugasamt um að skoða þetta verkefni frekar og felur sviðsstjóra að hafa samband við félagið CPI og afla upplýsinga um hvað aðild felur í sér og koma með málið fyrir ráðið að nýju.
3.Brú hses - Skógarlundur 42, stofnframlag vegna íbúðakjarna 2023
2303217
Staða máls er varðar uppbyggingu búsetukjarna fyrir fatlað fólk á Skógarlundi 42.
Velferðar- og mannréttindaráð upplýst um yfirstandandi samskipti milli sveitarfélagsins, HMS og Arion banka.
4.Akstursþjónusta Akraneskaupstaðar 2024
2401211
Lokadrög gagna vegna útboðs á akstursþjónustu Akraneskaupstaðar.
Velferðar- og mannréttindaráð gerir ekki athugasemdir við fyrirliggjandi drög.
5.Samræmd móttaka flóttafólks - samningur 2025
2411163
Tillögur liggja fyrir í frumvarpi til laga um breytingar á verkefnaskipan í móttöku flóttafólks á milli ríkis og sveitarfélaga. Ekki liggur hins vegar fyrir hvernig samning ríkið mun bjóða sveitarfélögum vegna samræmdrar móttöku á næsta ári. Beiðnin felst í að tryggja fast 80% stöðugildi fagaðila í ráðgjafadeild óháð samningum við ríkið. Minnisblað starfsmanna lagt fram.
Velferðar- og mannréttindaráð leggur áherslu á mikilvægi þess að viðhalda stöðugleika í velferðarþjónustustu sveitarfélagsins og er því fylgjandi því að leitað verði allra leiða til að tryggja áfram 80% stöðugildi sérfræðings í ráðgjafadeild.
6.Hreyfill - samkomulag um heimsendan mat
2305116
Verksali hefur boðað hækkun á taxta vegna heimsendingar á mat hjá Akraneskaupstað, frá 1. ágúst 2025.
Velferðar- og mannréttindaráð gerir kröfu um frekari gögn og rökstuðning af hálfu verksala svo unnt sé að taka afstöðu til málsins.
Fundi slitið - kl. 19:00.
