Velferðar- og mannréttindaráð
Dagskrá
Laufey Jónsdóttir forstöðumaður stuðnings- og stoðþjónustu sat fundinn undir málum nr. 1 til 4 á dagskrá.
1.Fjárhagsaðstoð - stafræn umsókn fjárhagsaðstoðar
2109154
Akraneskaupstaður er þátttakandi í verkefni Sambands íslenskra sveitarfélaga um á innleiðingu sameiginlegri lausn sveitarfélaga fyrir umsóknir um fjárhagsaðstoð. Sjá nánar https://stafraen.sveitarfelog.is/frettir/innleidingaraaetlun-fyrir-umsoknir-um-fjarhagsadstod/
Hrefna Rún Ákadóttir félagsráðgjafi kynnti stöðu innleiðingar á sameiginlegri lausn sveitarfélaga fyrir umsókn um fjárhagsaðstoð. Viðmótið verður kynnt á heimasíðu Akraneskaupstaðar þegar það verður tekið í notkun.
2.Velferðarstefna Vesturlands-Samráðshópur um öldrunarmál á Vesturlandi
2109036
Samráðshópur um öldrunarmál á Vesturlandi hefur skilað lokaskýrslu.
Lagt fram til kynningar.
Velferðar- og mannréttindaráð vísar skýrslunni til upplýsinga í Öldungaráði.
Velferðar- og mannréttindaráð vísar skýrslunni til upplýsinga í Öldungaráði.
3.Covid - Stuðningur við félagsstarf fyrir fullorðið fatlað fólk sumarið 2021 vegna COVID-19
2105096
Styrkur félagsmálaráuneytisins við félagsstarf fyrir fullorðið fatlað fólk sumarið 2021, verkefni vegna covid 19.
Lagt fram til kynningar.
Velferðar- og mannréttindaráð vísar skýrslunni til kynningar í notendaráði.
Velferðar- og mannréttindaráð vísar skýrslunni til kynningar í notendaráði.
4.Félagsstarf fullorðinna 2021 (vegna COVID-19)
2103130
Styrkur félagsmálaráðuneytisins við félagsstarf fullorðinna sumarið 2021 - verkefni vegna COVID 19.
Lagt fram til kynningar.
Velferðar- og mannréttindaráð vísar skýrslunni til kynningar í öldungaráði.
Velferðar- og mannréttindaráð vísar skýrslunni til kynningar í öldungaráði.
5.Fjöliðjan - leigusamningur
2202071
Leigusamningur við Línuvélar ehf. um húsnæði fyrir Fjöliðjuna að Smiðjuvöllum 28 til þriggja ára.
Lagt fram til kynningar.
6.Jafnlaunavottun - viðhaldsvottun 2022
2108135
Viðhaldsvottun jafnlaunvottunar fer fram dagana 28. febrúar og 1. mars næstkomandi. Jafnlaunakerfi Akraneskaupstaðar er í sífelldri endurskoðun og lögð er til smávægilegar orðalagsbreytingar á jafnlaunastefnu Akraneskaupstaðar sem samþykkt var í bæjarstjórn Akraness þann 12. janúar 2021.
Velferðar- og mannréttindaráð samþykkir breytingar á jafnlaunastefnu Akraneskaupstaðar og vísar stefnunni til samþykktar í bæjarstjórn.
7.Reglur um fjárhagsaðstoð Akraneskaupstaðar
2001177
Gunnfjárhæð fjárhagsaðstoðar hefur verið óbreytt frá 1. janúar 2021 eða kr. 172.975 fyrir einstakling og kr. 276.760 (172.975*1,6 ) fyrir hjón/sambúðarfólk.
Velferðar- og mannréttindaráð leggur til við bæjarráð 3% hækkun á grunnfjárhæð fjárhagsaðstoðar frá 1. janúar 2022. Velferðar- og mannréttindaráð vísar málinu til afgreiðslu í bæjarráði.
Fundi slitið - kl. 17:45.
