Starfshópur um samráð og stefnumótun aldraðra

Umræða var um niðurstöður íbúaþingsins og hvað helst vakti áhuga fundarmanna. Sérstaklega var rætt um almenna ánægju fólks með núverandi þjónustu í bæjarfélaginu. Einnig um þá þörf að fólk hafi einn aðila sem hægt er að leita til sem hefur yfirsýn yfir alla þjónustu sem í boði er í bæjarfélaginu, einhverskonar þjónustustjórar. Einnig var rætt um það að fólk vilji halda heilsu, búa við lífgæði og vellíðan. Því var akveðið að semja við Ingrid Kuhlman að halda fyrirlestur um hamingjuna og fá Símenntunarmiðstöðina til samstarfs.
Ingrid Kuhlman er búin að taka saman styttri útgáfu frá íbúaþinginu sem verður sent til bæjarráðs til umfjöllunar og til allra þátttakenda.

Almenn umræða var um húsnæðismál og ákveðið var að fá Sigurð Pál á fund til að fara yfir hvaða hugsun og framtíðarsýn er í gangi með þjónustumiðstöð í bæjarfélaginu.
Steinunn mun hitta fulltrúa FEBAN og fara yfir þá húsnæðisskýrslu sem unnin var vegna Dalbrautar 6.

Umræða um samþætta þjónustu heimaþjónustu og heimahjúkrunar. Það þarf að skerpa á því samstarfi og einnig við önnur þjónustukerfi.
Búið er að sækja um heimild til að auka rými í dagþjónustunni á Höfða fyrir fólk meðheilabilun.

Ákveðið var að fara yfir og ganga frá tillögu að samþykkt um öldungaráð á næsta fundi samráðshópsins.

Svala, Laufey og Steinunn fá á næstunni kynningu á aldursvænum borgum en Reykjavíkurborg tekur þátt í alþjóðlegu samstarfi. Málið verður kynnt á næsta fundir samráðshópsins.

Næsti fundur verður haldinn miðvikudaginn 15. nóvember kl. 16.00-18.00