Skóla- og frístundaráð

Á fundinn mættu:
Maren Ósk Elíasdóttir, Telma Björk Helgadóttir, Gyða Einarsdóttir, Elísabet Stefánsdóttir, Birna Björk Sigurgeirsdóttir og Margrét Egilsdóttir sem eru fulltrúar þeirra sem stóðu að undirskriftalistunum / Áskoruninni til Akraneskaupstaðar.
Fulltrúar kynntu áherslur sínar.

Skóla- og frístundaráð þakkar fulltrúum þeirra sem stóðu að undirskriftalistum með áskorun til Akraneskaupstaðar fyrir komuna á fundinn til þess að kynna sjónarmið sín.

Skóla- og frístundaráð hyggst annars vegar bregðast strax við ábendingum um óhagræði fyrir foreldra að greiðsluþátttaka bæjarins berist eftir á og kynna nýtt fyrirkomulag innan tíðar. Hins vegar mun verða stofnaður starfshópur til þess að rýna stöðuna á þjónustu dagforeldra og innritun í leikskóla.

Á fundinn mættu Ingunn Ríkharðsdóttir og Anney Ágústsdóttir áheyrnafulltrúar leikskólastjóra, Gunnur Hjálmsdóttir áheyrnafulltrúi starfsmanna og Elín Reynisdóttir áheyrnafulltrúi foreldra.

Leikskólastjórarnir fylgdu eftir skýrslu sinni varðandi sumarskóla 2016 og hugmyndum um framtíðarfyrirkomulag.

Afgreiðslu málsins frestað.

Á fundinn mætti Heiðrún Janusardóttir verkefnastjóri æskulýðs- og forvarnarmála.

Skóla- og frístundasvið samþykkir að fela frístundamiðstöðinni Þorpinu að sjá um allt frístundastarf og þar með talið sumar- og leikjanámskeið fyrir 6 til 10 ára börn sumarið 2017.

Verkefnastjóra falið að leggja fram tillögur um fyrirkomulag starfseminnar á næsta fundi ráðsins.

Staða á vinnslu fjárhagsáætlunar kynnt.