Skóla- og frístundaráð

Degi íslenskrar tungu, fæðingardegi Jónasar Hallgrímssonar, verður fagnað í tuttugasta sinn 16. nóvember 2015. Mennta- og menningarmálaráðneytið hvetur skóla og aðrar stofnanir, sem og landsmenn alla, til að huga að því að nota daginn til að hafa íslenskuna sérstaklega í öndvegi.

Unnið er að starfsáætlun skóla- og frístundasviðs fyrir árið 2016.

Stjórn skálanefnd skátaskálans í Skorradal óskaði eftir viðræðum við bæjarráð um endurnýjun á samningi Akraneskaupstaðar og Skátafélags Akraness um rekstur og uppbyggingu Skátafells í Skorradal frá maí 2002. Erindinu var vísað til skóla- og frístundaráðs en fulltrúar Akraneskaupstaðar hafa fundað með fulltrúum Skátafélagsins og leggja fram drög að samningi.

Í bréfi sveitarstjórnar Hvalfjarðarsveitar til Akraneskaupstaðar dagsettu 18. desember 2014 kemur m.a. fram að sveitarstjórn samþykkir að segja upp tilteknum samstarfssamningum við Akraneskaupstað og óska jafnframt eftir endurskoðun. Uppsögnin miðast við áramót og uppsagnarfrestur er 12 mánuðir. Bæjarráð Akraness bókaði eftirfarandi á fundi sínum 15. janúar: "Bæjarráð vísar erindinu til meðferðar í fagráðum Akraneskaupstaðar. Samningum er varðar ýmis málefni á sviði félags- og íþróttamála og um rekstur tónlistarskóla er vísað til meðferðar skóla- og frístundaráðs og samningi er varðar félagsstarf aldraðra til velferðar- og mannréttindaráðs. Bæjarráð telur eðlilegt að samstarfssamningar séu sífellt í endurskoðun og leggur áherslu á að bæði sveitarfélögin noti þetta tækifæri til að efla og þróa samstarfið áfram."