Fara í efni  

Skóla- og frístundaráð

15. fundur 10. júní 2015 kl. 16:30 - 18:30 í fundarherbergi 3. hæð, Stillholti 16-18
Nefndarmenn
  • Sigríður Indriðadóttir formaður
  • Kristinn Hallur Sveinsson aðalmaður
  • Ásthildur Ósk Ragnarsdóttir áheyrnarfulltrúi
  • Sigrún Inga Guðnadóttir áheyrnarfulltrúi
  • Valdís Eyjólfsdóttir varamaður
Starfsmenn
  • Svala Kristín Hreinsdóttir deildarstjóri skólaþróunar og sérfræðiþjónustu
Fundargerð ritaði: Svala Hreinsdóttir deildarstjóri skóla- og frístundasviðs
Dagskrá

1.Þróunarsjóður skóla- og frístundasviðs

1412138

Bæjarstjórn ákvað að leggja kr. 3.500.000 í nýjan Þróunarsjóð skóla- og frístundasviðs á árinu 2015.

Starfsreglur Þróunarsjóðs skóla- og frístundasviðs voru samþykktar á 7 fundi skóla- og frístundaráðs 3. febrúar sl. Úthlutunarnefnd sjóðsins sem er skipuð bæjarstjóra, formanni skóla- og frístundasviðs og sviðsstjóra skóla- og frístundasviðs leggur til við skóla- og frístundaráð breytingar á 3ju og 5. grein í starfsreglum sjóðsins.
Á fundinn mættu kl.16:30 Magnús V. Benediktsson skólastjóri Brekkubæjarskóla, Sigurður Arnar Sigurðsson aðstoðarskólastjóri Grundaskóla áheyrnafulltrúar skólastjórnenda grunnskóla, Brynhildur Björg Jónsdóttir áheyrnafulltrúi skólastjórnenda í leikskólum, Guðríður Sigurjónsdóttir áheyrnafulltrúi starfsmanna í leikskólum, Elísabet Einarsdóttir áheyrnarfulltrúi starfsmanna í grunnskólum og Gunnar Gíslason starfandi sviðsstjóri skóla- og frístundasviðs.
Skóla- og frístundaráð samþykkir þessar tillögur.
Grein nr. 3 verður svo hljóðandi:
Úthlutað er úr Þróunarsjóði skóla- og frístundasviðs í febrúar. Skóla- og frístundaráð skipar úthlutunarnefnd sem fer yfir umsóknir og metur þær. Í úthlutunarnefnd sitja bæjarstjóri, formaður skóla- og frístundaráðs og sviðsstjóri skóla-og frístundasviðs. Nefndin gerir tillögu til skóla- og frístundaráðs um úthlutun.
Grein nr. 5. Verður svo hljóðandi:
Auglýst er eftir umsóknum í Þróunarsjóð skóla- og frístundasviðs með tölvupósti til starfsmanna skóla- og frístundasviðs fyrir 1. janúar ár hvert.
Umsóknir í Þróunarsjóð skóla- og frístundasviðs skulu berast fyrir 31. janúar ár hvert. Umsækjendur skulu fylla út sérstakt umsóknareyðublað. Aðeins er hægt að sækja um styrk fyrir verkefni ef skólastjóri eða yfirmaður stofnunar samþykkir umsókn.

2.Þróunarsjóður skóla- og frístundasviðs úthlutun 2015

1506051

Bæjarstjórn ákvað að leggja kr. 3.500.000 í nýjan Þróunarsjóð skóla- og frístundasviðs á árinu 2015.
Tilgangurinn með þróunarsjóðnum er að styðja við þróunar- og nýsköpunarstarf á sviði skóla- og frístunda á vegum Akraneskaupstaðar með það að markmiði að starfsemin verði í sífelldri þróun í takt við breytingar í umhverfi og samfélagi. Skóla- og frístundasviði tilheyra sérfræðiþjónusta skóla, leikskólar, grunnskólar, Tónlistarskólinn á Akranesi, frístundamiðstöðin Þorpið og íþróttamannvirki Akraneskaupstaðar. Skólar, frjáls félagasamtök og aðrir aðilar geta verið samstarfsaðilar í þróunarverkefnunum. Auglýst var eftir umsóknum í sjóðinn og var umsóknarfrestur til og með 18. maí sl. Alls bárust þrjár umsóknir í sjóðinn.
*Garðasel: Verkefnið: "Lífið er leikur - að leika og læra"
*Vallarsel: Verkefnið: "Fjölmenningarlegt skólastarf í Vallarseli"
*Grundaskóli: Verkefnið: "Starfsþróun starfsmanna - fyrirlestraröð"
Úthlutunarnefnd er skipuð bæjarstjóra, formanni skóla- og frístundaráðs og sviðsstjóra skóla- og frístundasviðs. Úthlutunarnefnd gerir eftirfarandi tillögu til skóla- og frístundaráðs um úthlutun styrkja:
Vallarsel kr. 3.100.000
Garðasel kr. 400.000

Skóla- og frístundaráð samþykkir tillögu úthlutunarnefndar um syrkveitingu. Skóla- og frístundaráð felur Svölu Hreinsdóttur deildarstjóra að svara umsækjendum.

3.Launað námsleyfi

1505024

Umsókn hefur borist um launað námsleyfi frá aðstoðarskólastjóranum í Garðaseli vegna skólaársins 2015-2016.
Kristinn vék af fundi kl. 17:07.
Skóla- og frístundaráð getur ekki orðið við erindinu þar sem ekki er áætlað fjármagn í fjárhagsáætlun ársins í námsleyfi starfsmanna Akraneskaupstaðar.
Kristinn mætti aftur á fundinn kl. 17:12.
Björg og Guðríður viku af fundi kl. 17:14.

4.Tillögur til úrbóta í framtíðarhúsnæðismálum grunnskóla -

1302141

Starfshópur sem bæjarstjórn skipaði í desember 2012 m.a. til að kanna þörf á aukningu húsnæðis fyrir grunnskóla til lengri tíma, skilaði af sér í júní 2013. Þar voru lagðar fram nokkrar hugmyndir, sem eru enn til skoðunar.

Skóla- og frístundaráð hefur falið Gunnari Gíslasyni starfandi sviðsstjóra skóla- og frístundasviðs að vinna áfram með málið í ljósi nýrra upplýsinga um mannfjöldaspá fyrir Akranes árin 2015-2025 sem Vífill Karlsson atvinnuráðgjafi hjá SSV vann fyrir Akraneskaupstaða og hefur nýlega skilað til skóla- og frístundaráðs.

Með hliðsjón af þessum vangaveltum er óskað eftir því að starfsmenn og stjórnendur grunnskólanna gefi sér tíma á starfsdögum næstkomandi haust til að velta fyrir sér hugsanlegum lausnum á húsnæðismálum grunnskólanna. Verða þær hugmyndir og vangaveltur sem fram koma í þessari vinnu nýttar til að móta nýjar lausnir í samráði við alla hagsmunaaðila skólasamfélagsins á Akranesi. Er gert ráð fyrir því að þeirri vinnu ljúki upp úr næstu áramótum.

Gunnar og Svölu falið að senda bréf til skólastjórnenda og skipuleggja vinnufund í samráði við skólastjórnendur með starfsfólki í ágúst.

5.Stoðþjónusta skóla Akranesi - endurmat

1401209

Bæjarráð samþykkti á fundi sínum 21. maí sl. viðbótarstöðugildi í stoðþjónustu Grundaskóla í samræmi við tillögur skóla- og frístundaráðs en felur skóla- og frístundaráði að koma með tillögur til hagræðingar til þess að mæta þessum kostnaðarauka.
Skóla- og frístundaráð felur Gunnari Gíslasyni starfandi sviðsstjóra og Svölu Hreinsdóttur deildarstjóra skóla- og frístundasviðs að koma með tillögur til hagræðingar.
Magnús, Elísabet og Elís Þór viku af fundi kl. 17:53.

6.Brettagarður á Akranesi

1505018

Borist hefur erindi frá ungu áhugafólki um brettagerð á Akranesi. Bréfið var lagt fram í bæjarráði sem vísaði því til skóla- og frístundaráðs.
Skóla- og frístundaráð þakkar fyrir erindið og felur Svölu Hreinsdóttur deildarstjóra að kanna í samvinnu við skipulags- og umhverfissvið hvaða hugmyndir bréfritarar hafa slíkan garð.

7.Styrkir til íþrótta- og tómstundafélaga 2015

1504134

Umsóknir um styrki til íþrótta- og tómstundafélaga á Akranesi vegna þjálfunar og leiðsagnar barna og unglinga 3-18 ára fyrir árið 2015. Umsóknir voru teknar fyrir á fundi skóla- og frístundaráðs 19. maí sl. en afgreiðslu var frestað.
Skóla- og frístundaráð fór yfir fyrirliggjandi umsóknir og leggur fram tillögur til bæjarráðs um afgreiðslu styrkja samtals kr. 10.900.000-

8.Reglur um barna- og unglingastarf / tómstundir á Akranesi 2008

1504111

Styrkir til tómstunda- og íþróttafélaga á Akranesi sem eru með virka iðkendur/þátttakendur á aldrinum 3-18 ára eru veittir árlega með það að markmiðið að halda uppi öflugu félags-, tómstunda- og íþróttastarfi fyrir börn og ungmenni á þessum aldri. Þær viðmiðunarreglur sem eru í gildi og tekið er mið af við úthlutun styrkja eru frá árinu 2008.
Skóla- og frístundaráð leggur til við bæjarráð að viðmiðunarreglurnar verði endurskoðaðar haustið 2015.

Fundi slitið - kl. 18:30.

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00