Fara í efni  

Skipulagsnefnd (2000-2002)

41. fundur 15. febrúar 2000 kl. 13:00 - 16:10
41. fundur skipulagsnefndar Akraness haldinn í fundarsal bæjarskrifstofu Stillholti 16-18, þriðjudaginn 15. febrúar 2000, kl. 13:00.

Mættir: Jóhannes Snorrason formaður, Edda Agnarsdóttir, Guðbjartur Hannesson, Sigurlína Guðrún Júlíusdóttir og Lárus Ársælsson.
Auk þeirra Skúli Lýðsson byggingar- og skipulagsfulltrúi og Hafdís Sigurþórsdóttir sem ritaði fundargerð.

1. Flatahverfi, rammaskipulag.
Bréf bæjarritara fyrir hönd bæjarráðs dags. 10. febrúar 2000, þar sem óskað er eftir umsögn skipulagsnefndar.
A. Um tillögur frá bæjarstjórnarfundi 8. febrúar sl sem vísað var til bæjarráðs merktar 1 og 2.
B. Um ný gögn sem borist hafa og varða rammaskipulag Flatahverfis.
Nefndin leggur til að byggingar- og skipulagsfulltrúa og formanni nefndarinnar verði falið að semja bréf til höfunda tillagnanna, þar sem þeim er gefinn kostur á að leggja fram frekari skýringar um þær tillögur sem hafa verið til umfjöllunar í skipulagsnefnd. Miða skal við að nefnt bréf verði borið undir nefndarmenn áður en það er sent út. Frekari skýringar um tillögu höfunda ef einhverjar eru skal komið til nefndarinnar fyrir næsta reglulega fund skipulagsnefndar.

2. Miðbæjarreitur, deiliskipulag.
Bréf bæjarritara fyrir hönd bæjarráðs dags. 10. febrúar 2000, þar sem bæjarráð óskar umsagnar skipulagsnefndar á tillögu að breytingu á deiliskipulagi og byggingarskilmálum fyrir Miðbæjarreit, sem lögð var fram á bæjarstjórnarfundi þann 8. febrúar sl. og vísað var til bæjarráðs.
Frestað til næsta fundar.


Fleira ekki gert, fundi slitið kl. 16:10.
   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00