Fara í efni  

Skipulags- og umhverfisráð

127. fundur 30. september 2019 kl. 08:15 - 10:30 í bæjarþingsalnum, Stillholti 16-18
Nefndarmenn
  • Ragnar B. Sæmundsson formaður
  • Ólafur Adolfsson varaformaður
  • Kristinn Hallur Sveinsson aðalmaður
Starfsmenn
  • Sigurður Páll Harðarson sviðsstjóri skipulags- og umhverfissviðs
  • Stefán Þór Steindórsson byggingarfulltrúi
  • Hafdís Sigurþórsdóttir fulltrúi
  • Sævar Freyr Þráinsson bæjarstjóri
Fundargerð ritaði: Hafdís Sigurþórsdóttir fulltrúi
Dagskrá

1.Kaldur pottur á Jaðarsbakka

1905074

Tillaga fyrir kaldan pott við Jaðarsbakkalaug.
Skipulags- og umhverfisráð vísar málinu til fjárhagsáætlunar 2020.

2.Sæti í stúku

1909275

Skipulags- og umhverfisráð vísar málinu til fjárhagsáætlunar 2020.

3.Deiliskipulag Skógarhverfi 1. áfangi - Asparskógar 18

1906102

Umhverfis- og skipulagsráð samþykkir að nýtingarhlutfall (A- og B- rýma) á lóðinni verði 1,33 í stað 1,20 skv. deiliskipulagi. Aukið nýtingarhlutfall skýrist af stækkun kjallara og gerð svalaganga (B-rýma umfram það sem gert var ráð fyrir í deiliskipulagi). Byggingin er innan byggingarreits og ákvæða um hámarkshæð. Fjöldi íbúða og bílastæða er í samræmi við deiliskipulag. Breytingin varðar ekki hagsmuni annarra en Akraneskaupstaðar og umsækjanda og telst því óverulegt frávik frá deiliskipulagi. Deiliskipulagsbreytingin er samþykkt skv. 3. mgr. 43. gr. skipulagslaga nr. 123/2010.

4.Hleðslustöðvar á Akranesi - samstarf

1905206

Skipulags- og umhverfisráð samþykkir fyrirliggjandi reglur um styrki til hleðslustöðva fyrir rafbíla við fjöleignarhús og vísar þeim til bæjarráðs til endanlegar samþykktar.

5.Breið - sjóvörn

1909196

Umsókn um framkvæmdaleyfi vegna sjóvarna við Breiðina.
Vegagerðin sækir um framkvæmdaleyfi vegna endurbyggingar á sjóvörn við Breið. Heildarlengd 180m, grjómagn 2.000 m3 úr námu, upptekt og endurröðun 650 m3.

Skipulags- og umhverfisráð leggur til við bæjarstjórn að framkvæmdaleyfi verði veitt vegna framkvæmdarinnar.

6.Akraneshöfn, endurbætur á aðalhafnargarði - Umsókn um framkvæmdaleyfi

1903241

Akraneshöfn aðalhafnargarður, framlenging á hafnarbakka, dýpkun hafnar, framlenging á brimvarnargarði og öldudeyfing.
Faxaflóahafnir sækja um framkvæmdaleyfi vegna eftirfarandi:

Nýr hafnarbakki (framlenging) með um 220 metra viðlegu (90 metra lenging á núverandi bakka) með um 11 metra dýpi.

Dýpkun á snúningssvæði innan hafnar. Snúningssvæði með um 120 metra þvermáli og dýpi 10 metra.

Dýpkun á snúningssvæði utan hafnarmynnis. Snúningssvæði um 180 metra þvermáli og dýpi 11 metra.

Brimvarnargarður lengdur um 60 metra.

Öldudeyfing milli aðalhafnargarðs og bátabryggju.

Skipulags-og umhverfisráð leggur til við bæjarstjórn að framkvæmdaleyfi verði veitt, ákvæði deiliskipulags Akraneshafnar varðandi lengingu brimvarnargarðs skulu höfð til hliðsjónar við framkvæmdina.

7.Vesturgata 133 - Fyrirspurn til byggingarfulltrúa

1903049

Óskað er eftir leyfi til að gera nýja innkeyslu á lóð til viðbótar við þá sem fyrir er.
Skipulags- og umhverfisráð samþykkir erindið og felur byggingarfulltrúa að ganga frá málinu. Bent er á að allur kostnaður sem fellur til vegna breytingarinnar, fellur á umsækjanda.

8.Suðurgata 107 - umsókn um byggingarleyfi

1909037

Sótt er um leyfi fyrir stækkun (viðbygging) á 2. hæð fjölbýlishússins við Suðurgötu 107, Akranesi. Stækkunin felst í því að byggja sólstofu yfir hluta af svölum 2. hæðar. Heimilt nýtingarhlutfall skv. deiliskipulagi er 0,5.
Skipulags- og umhverfisráð samþykkir að fram fari grenndarkynning á breytingunni skv. 2. mgr. 43. gr. sbr. 3. mgr.44.gr. skipulagslaga nr. 123/2010. Grenndarkynnt verði fyrir fasteignaeigendum að Suðurgötu 103, Sunnubraut 14, 16 og 18.

9.Kirkjubraut 53 - lóðarleigusamningur endurnýjun

1807120

Beiðni um endurnýjun lóðarleigusamnings.
Skipulags- og umhverfisráð gerir ekki athugasemdir við fyrirliggjandi lóðarleigusamning.

10.Fjárhagsáætlun - viðauki

1909276

Viðauki við fjárhagsáætlun september 2019.
Skipulags-og umhverfisráð samþykkir fyrirliggjandi viðauka á fjárfestinga-og framkvæmdaáætlun 2020 og vísar honum til bæjarráðs.

Fundi slitið - kl. 10:30.

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00