Fara í efni  

Skipulags- og umhverfisráð

74. fundur 11. desember 2017 kl. 16:15 - 18:35 í fundarherbergi 3. hæð, Stillholti 16-18
Nefndarmenn
  • Einar Brandsson formaður
  • Rakel Óskarsdóttir varaformaður
  • Valgarður L. Jónsson aðalmaður
  • Kristín Sigurgeirsdóttir áheyrnarfulltrúi
  • Jóhannes Karl Guðjónsson áheyrnarfulltrúi
  • Sindri Birgisson umhverfisstjóri
Starfsmenn
  • Sigurður Páll Harðarson sviðsstjóri skipulags- og umhverfissviðs
  • Stefán Þór Steindórsson byggingarfulltrúi
  • Hafdís Sigurþórsdóttir fulltrúi
Fundargerð ritaði: Hafdís Sigurþórsdóttir fulltrúi
Dagskrá

1.Aðalskipulag - endurskoðun

1606006

Aðalskipulag Akraness 2018-2030.
Lögð var fram tillaga að endurskoðuðu aðalskipulagi Akraness sem nær til skipulagstímabilsins 2018 til 2030. Árni Ólafsson arkitekt fór yfir tillöguna.

Nokkrar minni háttar breytingar voru gerðar á tillögunni.

Skipulags- og umhverfisráð leggur til við bæjarstjórn að skipulagstillagan verði kynnt almenningi og hagsmunaaðilum á almennum kynningarfundi sbr. 2. mgr. 30. gr. skipulagslaga nr. 123/2010.

2.Deilisk. Skógarhverfi 2. áfangi - breyting byggingarreitir

1712066

Skógahverfi II.
Skipulags- og umhverfisráð leggur til eftirfarandi breytingu á skilmálum:
Kafli 4.1.1 Byggingarreitir, 1. mgr., gildandi skipulag:
Byggingarreitir eru skilgreindir á deiliskipulagsuppdrætti og málsettir á mæliblaði. Hús skulu standa innan byggingarreits. Þó mega þakbrúnir ná allt að 0,6 m út fyrir byggingarreit.

1. mgr. verði:
Byggingarreitir eru skilgreindir á deiliskipulagsuppdrætti og málsettir á mæliblaði. Hús skulu standa innan byggingarreits. Þó mega þakbrúnir ná allt að 0,6 m út fyrir byggingarreit. Svalir og útbyggingar á fjölbýlishúsum, t.d. útbyggðir gluggar, stigahús eða kennileiti mega ennfremur ná út fyrir byggingarreit.

Breytingin er gerð til samræmis við skipulagsskilmála í Skógahverfi I. Hún er almenn og mun ekki skerða hagsmuni nágranna hvað snertir landnotkun, útsýni,skuggavarp eða innsýn.

Skipulags- og umhverfisráð leggur til við bæjarstjórn að breytingin verði gerð skv. 3.mgr. skv. 44.gr. skipulagslaga nr. 123/2010 m.s.br.

3.Útileikvöllur fyrir fullorðna (íþróttir fyrir fullorðna)

1711030

Umhverfisstjóri gerir grein fyrir framvindu verkefnissins.
Skipulags- og umhverfisráð þakkar umhverfisstjóra góða kynningu.
Umhverfisstjóra falið að hafa samráð við forsvarsmenn ÍA um verkefnið.

4.Brekkubæjarskóli - endurbætur á húsnæði á annarri hæð, hönnun 2017

1710019

Minnisblað frá Andrúm arkitektum.
Skipulags- og umhverfisráð samþykkir að Andrúm arkitektar verði með hönnun er varðar breytingar á eldri hluta Brekkubæjarskóla.

Ráðið felur sviðsstjóra að ganga frá verksamningi þar að lútandi.

5.Úthlutun lóða - auglýsing

1712041

Byggingafulltrúa falið að gera auglýsingu á lausum lóðum í Skógarhverfi 1. og 2. áfanga.

6.Sementsskorsteinn - málefni

1705204

Skipulags- og umhverfisráð leggur til við bæjarráð, að gerð verði skoðanakönnun meðal íbúa Akraness um hvort fella skuli strompinn eða ekki.

7.Viti á Akranesi frá 1891

1709124

Skipulags- og umhverfisráð tekur jákvætt í að reist verði ljósker sem minnisvarði um vita er stóð á Akurshól.

Fundi slitið - kl. 18:35.

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00